ປກສ ເມືອງໂພນໂຮງ ແຈ້ງຫາເຈົ້າຂອງລົດຈັກ 5 ຄັນ ທີ່ເກັບກູ້ມາໄດ້ໃຫ້ນຳເອກະສານເຂົ້າມາພົວພັນ ຖ້າກາຍກຳນົດ 30 ວັນຖືວ່າສະຫຼະສິດ

ວັນທີ 9 ມິຖຸນາ 2023 ຜ່ານມາ, ກອງບັນຊາການ ປກສ ເມືອງ ໂພນໂຮງ ແຈ້ງການເຖິງ ພະນັກງານທະຫານ- ຕໍາຫຼວດພໍ່ຄ້າຊາວຂາຍ ຕະຫລອດຮອດພໍ່ແມ່ປະຊາຊົນບັນດາເຜົ່າຊາບທົ່ວເຖິງກັນວ່າ : ປັດຈຸບັນນີ້ເຈົ້າໜ້າທີ່ກອງ ບັນຊາການ ປກສ ເມືອງ ໂພນໂຮງ ໄດ້ກວດກາ ແລະ ເກັບກູ້ລົດຈັກ ຈໍານວນ 5 ຄັນ ລະອຽດຄື :

1. ລົດ ຈັກ ຍີ່ຫໍ້ ຮອນດ້າ ສີ ແດງ ເລກຈັກ HA 15 E-2042846 ເລກຖັງ RP2HA1500HCO42846 ບໍ່ຕິດປ້າທະບຽນ.
2. ລົດ ຈັກ ຍີ່ຫໍ້ ຮອນດ້າ ສີແດງດໍາ ເລກຈັກ 15 HA E-2046952 ເລກຖັງ RP2HA1500HC046952 ບໍ່ຕິດປ້າຍທະບຽນ.
3. ລົດ ຈັກ ຍີ່ຫໍ້ ຮອນດ້າ ສີ ຂຽວຫົວເປັດ ເລກຈັກ NF 100 E 8194486 ເລກຖັງ ( ຖືກລືບ ) ບໍ່ຕິດປ້າຍທະບຽນ.
4. ລົດ ຈັກ ຍີ່ຫໍ້ ຮອນດ້າ ສີ ຟ້າດໍາ( ຖືກລືບ ) ບໍ່ຕິດປ້າຍທະບຽນ.
5. ລົດ ຈັກ ຍີ່ຫໍ້ ຮອນດ້າ ສີ ປອນດໍາ ( ຖືກລຶບ ) ບໍ່ຕິດປ້າຍທະບຽນ.

ຜ່ານການກວດກາ ແລະ ເກັບກໍາຫລັກຖານຕົວຈິງຂອງເຈົ້າໜ້າທີ່ ກອງບັນຊາການປກສ ເມືອງ ໂພນໂຮງ ເຫັນວ່າ : ລົດຈັກ ຈໍານວນ 5 ຄັນ ບໍ່ມີເອກະສານທີ່ຢັ້ງຢືນເຖິງຄວາມຖືກຕ້ອງຂອງລົດຈັກ ຈໍານວນດັ່ງກ່າວ ແຕ່ຢ່າງໃດ. ພາຍຫຼັງແຈ້ງການໄປແລ້ວ ຖ້າຫາກວ່າບຸກຄົນໃດວ່າແມ່ນລົດຈັກ ຂອງຕົນເອງ ກໍໃຫ້ນໍາເອົາ ເອກະສານ ທີ່ພົວພັນເຖິງລົດ ມາພົວພັນຢູ່ກອງບັນຊາການ ປກສ ເມືອງ ໂພນໂຮງ (ພະແນກຕໍາຫຼວດ) ຕາມເບີ ໂທ 020 55535550 ໃນໂມງລັດຖະການ ກໍານົດພາຍໃນ 30 ວັນ ນັບຕັ້ງແຕ່ມື້ອອກແຈ້ງການເປັນຕົ້ນໄປ ຖ້າກາຍກໍານົດຖືວ່າສະຫຼະສິດ ສ່ວນລົດຈັກ ແມ່ນຈະຢຶດໄວ້ເປັນຂອງລັດ ຕາມລະບຽບກົດໝາຍ.