ຟີລິບປິນເຕືອນປະຊາຊົນນັບໝື່ນອົບພະຍົບ ຫລັງພູໄຟມາຍອນພົ່ນລາວາອອກມາ

ທາງການຟີລິບປິນປະກາດເຕືອນປະຊາຊົນຫລາຍໝື່ນຄົນໃຫ້ອົບພະຍົບອອກຈາກພື້ນທີ່ອ້ອມຮອບພູໄຟມາຍອນ ເຊິ່ງເປັນພູໄຟມີພະລັງ (Active Volcano) ຕັ້ງຢູ່ເກາະລູຊອນ ທາງຕາເວັນອອກຂອງປະເທດຟີລິບປິນ ຫລັງເກີດການພົ່ນລາວາອອກມາຈາກປາກປ່ອງຄັ້ງຫລ້າສຸດໃນວັນທີ 12 ມິຖຸນາ.

ປະຕິກິລິຍາການພົ່ນລາວາຂອງພູໄຟມາຍອນເພີ່ມຂຶ້ນຕໍ່ເນື່ອງນັບແຕ່ອາທິດຜ່ານມາ ເຊິ່ງເບື້ອງຕົ້ນມີປະຊາຊົນປະມານ 1,26 ໝື່ນຄົນ ທີ່ອາໄສ ແລະ ຜະລິດກະສິກໍາໃນເນື້ອທີ່ລັດສະໝີ 6 ກິໂລແມັດຈາກປາກປ່ອງພູໄຟ ຖືກບັງຄັບໃຊ້ອົບພະຍົບອອກຈາກພື້ນທີ່ແລ້ວ ແລະ ຫລ້າສຸດຍັງມີປະຊາຊົນອີກຫລາຍພັນຄົນອາໄສຢູ່ໃນພື້ນທີ່ອັນຕະລາຍ.

ທັງນີ້, ທາງການຟີລິບປິນໄດ້ຍົກລະດັບເຕືອນໄພການພົ່ນລາວາຂອງພູໄຟມາຍອນເປັນລະດັບ 3 ຈາກທັງໝົດ 5 ລະດັບ ເຊິ່ງການເຕືອນໄພສູງສຸດລະດັບ 5 ເຊິ່ງການເຕືອນໄພສູງສຸດລະດັບ 5 ໝາຍເຖິງການພົ່ນລາວາທີ່ຮຸນແຮງ ແລະ ເປັນອັນຕະລາຍເຖິງຊີວິດ ໂດຍທາງການແຈ້ງເຕືອນວ່າພູໄຟຢູ່ໃນສະຖານະທີ່ບໍ່ສະຫງົບ ແລະ ອາດເກີດການພົ່ນລາວາທີ່ເປັນອັນຕະລາຍຂຶ້ນໃນມໍ່ໆນີ້.

ອ້າງອີງ:

https://www.channelnewsasia.com/…/philippines-mount…