ຜູ້ນໍາ ສປປ ເກົາຫລີ ປະກາດຄຳໝັ້ນ ຈັບມືທ່ານ ປູຕິນ ຊ່ວຍໜຸນການຮ່ວມມືທາງຍຸດທະສາດ

ສໍານັກຂ່າວກາງເກົາຫລີ (KCNA) ລາຍງານໃນວັນທີ 12 ມິຖຸນາວ່າ: ທ່ານ ກິມຈອງອຸນ ຜູ້ນໍາສູງສຸດຂອງ ສປປ ເກົາຫລີ ໄດ້ປະກາດວ່າ: ຈະຈັບມືກັບປະທານາທິບໍດີ ວະລາດິເມຍ ປູຕິນ ຂອງຣັດເຊຍ ແລະ ສະໜັບສະໜູນການຮ່ວມມືທາງຍຸດທະສາດ ເພື່ອເປົ້າໝາຍທີ່ມີຮ່ວມກັນໃນການສ້າງປະເທດ.

ໂດຍທ່ານ ກິມຈອງອຸນ ໄດ້ໃຫ້ຄໍາສັນຍາໃນຂໍ້ຄວາມທີ່ສົ່ງເຖິງທ່ານ ປູຕິນ ເນື່ອງໃນວັນຊາດຣັດເຊຍ ພ້ອມທັງປົກປ້ອງການຕັດສິນໃຈຂອງທ່ານ ປູຕິນ ໃນການເຮັດສົງຄາມຮຸກຮານອູແກຣນ ແລະ ສະແດງການສະໜັບສະໜູນ ແລະ ການເປັນນໍ້າໜຶ່ງໃຈດຽວກັນຢ່າງເຕັມທີ່.

ຂະນະທີ່ທ່ານຍັງຮຽກຮ້ອງໃຫ້ມີການຮ່ວມມືທາງຍຸດທະສາດທີ່ໃກ້ຊິດຍິ່ງຂຶ້ນນໍາມົດສະກູ. ພ້ອມທັງຢືນຢັນວ່າ: ຈະຈັບມືກັບປະທານາທິບໍດີຣັດເຊຍຢ່າງໝັ້ນຄົງ ໂດຍເປັນໄປຕາມຈຸດປະສົງຮ່ວມກັນຂອງປະຊາຊົນທັງສອງປະເທດໃນການບັນລຸເປົ້າໝາຍອັນຍິ່ງໃຫຍ່ ເພື່ອສ້າງປະເທດ.

ອ້າງອີງ:

https://www.reuters.com/…/north-koreas-kim-vows-hold…/