ອະດີດນາຍົກລັດຖະມົນຕີອັງກິດ ລາອອກຈາກການເປັນ ສສ ຫລັງຖືກກົດດັນໃນຄະດີຈັດງານລ້ຽງສັງສັນ ໄລຍະຄວບຄຸມການແພ່ລະບາດໂຄວິດ-19
ສຳນັກຂ່າວ AFP ລາຍງານວັນທີ 10 ມິຖຸນາ 2023 ວ່າ: ອະດີດນາຍົກລັດຖະມົນຕີອັງກິດ ທ່ານ ບອສຣິດ ຈອນສັນ (Boris Johnson) ປະກາດລາອອກຈາກການເປັນສະມາຊິກສະພາຜູ້ແທນລາຊະດອນ (ສສ) ເມື່ອວັນທີ 9 ມິຖຸນາຜ່ານມາ, ຫລັງຈາກຖືກກົດດັນຢ່າງໜັກຈາກພັກການເມືອງ ຈາກກໍລະນີທີ່ສວຍໂອກາດຈັດງານລ້ຽງຢູ່ທີ່ທຳນຽບນາຍົກລັດຖະມົນຕີ ໃນໄລຍະປະຕິບັດລະບຽບການເພື່ອຄວບຄຸມການແຜ່ລະບາດຂອງພະຍາດໂຄວິດ-19.
ນັກການເມືອງປະຊານິຍົມອາຍຸ 58 ປີ ແມ່ນກຳລັງຖືກສືບສວນສອບສວນໂດຍຄະນະກຳມະການລັດຖະສະພາວ່າລາວໄດ້ຫລອກລວງການສໍ້ລາດບັງຫລວງຊ້ຳແລ້ວຊ້ຳອີກ. ເຊິ່ງຈາກຫລັກຖານໃນຕົ້ນປີນີ້ Johnson ຢືນຢັນຢ່າງດ້ວຍຄວາມບໍ່ພໍໃຈວ່າຕົນບໍ່ໄດ້ເຮັດ.
ແຕ່ໃນຂະນະທີ່ຄະນະກຳມະການດັ່ງກ່າວກະກຽມປະກາດຜົນການສືບສວນຕໍ່ປະຊາຊົນ Johnson ປະກາດກ່ອນໜ້ານັ້ນ “ຄົນເຫລົ່ານັ້ນແມ່ນມີແຮງຈູງໃຈທາງການເມືອງ. ດ້ວຍການຈັດຕັ້ງຂັບໄລ່ຂ້າພະເຈົ້າອອກຈາກສະພາແຫ່ງຊາດ.”
ຄະນະກຳມະການກວດສອບ, ໄດ້ປະກອບດ້ວຍສະມາຊິກສະພາສ່ວນໃຫຍ່ແມ່ນຈາກພັກອະນຸລັກຮັກສາ ຂອງ Johnson. ມີອຳນາດໃນການລົງໂທດຕໍ່ການເວົ້າບໍ່ມີມູນຄວາມຈິງຕໍ່ລັດຖະສະພາ. ຊຶ່ງອາດຈະຮ້າຍແຮງເຖິງຈຸດຂອງການຢຸດການດໍາເນີນງານແລະຕາມຂັ້ນຕອນປົກກະຕິ ຫລື ພັກວຽກຫລາຍກວ່າ 10 ມື້ສາມາດນໍາໄປສູ່ການເລືອກຕັ້ງໃໝ່. ໃນເຂດເລືອກຕັ້ງຂອງສະມາຊິກສະພານັ້ນ.
ແນວໃດກໍຕາມ, Johnson ໄດ້ເລືອກທີ່ຈະລາອອກເປັນສະມາຊິກລັດຖະສະພາ. ກ່ອນຈະໄດ້ຮັບການປະກາດຜົນການສືບສວນ
