ນີວຄາສເຊິນ ເປີດໂຕເສື້ອໃໝ່ ແລະ ຜູ້ສະໜັບສະໜຸນໃໝ່ຈາກຊາອຸ ໃສ່ລຸຍເກມລີກ ແລະ UCL ລະດູການໜ້າ

ເຖິງເວລາທີ່ແຟນບານ ນິວຄາສເຊິລ ຢູໄນເຕັດ ຈະຕ້ອງໃຊ້ເງິນໃນກະເປົ໋າເພື່ອຈອງເສື້ອໃນລະດູການໃໝ່ ຫລັງຈາກທີ່ “ສາລິກາ ດົງ” ເປີດໂຕເສື້ອໃໝ່ໃນລະດູການ 2023/24 ອອກມາເປັນທີ່ຮຽບຮ້ອຍ.

ຮູບແບບ ແລະ ການອອກແບບຂອງເສື້ອແຂ່ງ ນີວຄາສເຊິນ ຍັງຄົງຮັກສາຮູບແບບສີດໍາຕັດຂາວທີ່ຄຸ້ນເຄີຍ ໂດຍອ້າງອີງໃສ່ຊຸດຍຸກ 1980 ຂອງທີມງານທີ່ຜະລິດໂດຍຍີ່ຫໍ້ເສື້ອຜ້າອັງກິດ Castore. ແຕ່ສິ່ງທີ່ປ່ຽນໄປແມ່ນຜູ້ສະໜັບສະໜຸນເສື້ອບໍ່ແມ່ນ FUN88 ອີກຕໍ່ໄປ.

ຜູ້ສະຫນັບສະຫນູນເສື້ອໃຫມ່ຂອງ ນີວຄາສເຊິນ ໃນເວລານີ້ແມ່ນ SELA, ບໍລິສັດອົງການທີ່ເຮັດທຸລະກິດໃນກິດຈະກໍາຕ່າງໆຈາກ ຊາ​ອຸ​ດິ​ອາ​ຣາ​ເບຍ ຫລັງ​ຈາກ​ເຂົ້າ​ມາ​ເຈລະຈາ​ກັບ PIF, ກຸ່ມ​ການ​ລົງທຶນ​ຈາກ Saudi Arabia ເຈົ້າຂອງ ນີວຄາສເຊິນ ຫລັງຈາກນັ້ນ, ຂໍ້ຕົກລົງດັ່ງກ່າວປະສົບຜົນສໍາເລັດໃນສັນຍາ 25 ລ້ານປອນຕໍ່ປີ.