ຢຶດລົດ 12 ລໍ້ 2 ຄັນ ທີ່ລັກລອບນຳເຂົ້າບໍ່ມີເອກະສານອະນຸຍາດນຳເຂົ້າເສຍພາສີ-ອາກອນ

ວັນທີ 7 ມິຖຸນາ 2023 ຜ່ານມາ, ເຈົ້າໜ້າທີ່ພາສີພະແນກສືບສວນ-ສອບສວນ ແລະ ປາບປາມການລັກລອບໜີພາສີ  ຫຼື ພສປ; ປະຈໍາຈຸດປະສານງານນາເຕີຍ, ໄດ້ສົມທົບກັບເຈົ້າໜ້າທີ່ພາສີ ປະຈໍາດ່ານພາສີສາກົນບໍ່ເຕັນ ແຂວງຫຼວງນໍ້າທາ, ໄດ້ເຄື່ອນໄຫວຕິດຕາມ ແລະ ກວດກາຕາມແຫຼ່ງຂ່າວລາຍງານພົບເຫັນລົດບັນທຸກ 12 ລໍ້ຈຳນວນ 2 ຄັນ, ບໍ່ຕິດປ້າຍທະບຽນຈອດຢູ່ໃນບໍລິເວນເຂດເສດຖະກິດບໍ່ເຕັນແດນງາມ.

ໂດຍຜ່ານການກວດກາເບື້ອງຕົ້ນເຫັນວ່າ: ເປັນລົດມືສອງ ລັກລອບນຳເຂົ້າບໍ່ມີເອກະອະນຸຍາດນຳເຂົ້າເສຍພາສີ-ອາກອນ ແລະ ພັນທະອື່ນໆ. ສະນັ້ນ, ເຈົ້າໜ້າທີ່ພາສີໄດ້ຢຶດລົດຈໍານວນດັ່ງກ່າວມາມອບໃຫ້ພາສີ ປະຈຳແຂວງຫຼວງນໍ້າທາ, ເພື່ອດຳເນີນຄະດີຕາມຂັ້ນຕອນຂອງກົດໝາຍ ແລະ ລະບຽບການຕໍ່ໄປ.