ຢາກລົງສະໜາມ! ຟານ ເດ ເບັກ ມີແວ່ວກຽມອຳລາແມນຢູ

ກອງກາງຊາວໂຮນລັງກໍາລັງຕັດສິນໃຈວ່າລາວອາດຈະອອກຈາກ ໂອແທຣັບຟອດ ໃນລະດູຮ້ອນນີ້. ເພື່ອໂອກາດທີ່ຈະລົງສະໜາມເປັນຕົວຈິງສະໝ່ຳສະເໝີ.

ກອງກາງອາຍຸ 26 ປີໄດ້ຍ້າຍຈາກອາແຈັກ ເຂົ້າຮ່ວມກັບຜີສາດແດງຈາກ ໃນປີ 2020 ແຕ່ບໍ່ຄ່ອຍໄດ້ຮັບການລົງຫລິ້ນ. ຈົນຖືກປ່ອຍໃຫ້ ເອຟເວີຕັນ ແບບຢືມຕົວໃນເດືອນມັງກອນ 2022, ແຕ່ກໍ່ຍັງບໍ່ສຳເລັດ.

ຫລັງຈາກທີ່ ເອຣິກ ເທນຮາກ ເຂົ້າມາຄຸມທີມ, ວານ ເດີ ເບັກ ຫວັງວ່າອະດີດນາຍຈ້າງເກົ່າຂອງລາວ, ທີ່ເຄີຍຮ່ວມງານກັນໃນຢູ່ໃນລີກໂຮນລັງ, ຈະຊ່ວຍໃຫ້ລາວກັບຄືນສູ່ຟອມທີ່ລາວນໍາ ອາແຈັກ ເຂົ້າເຖິງຮອບຮອງຊະນະເລີດ ຢູຟາ ແຊ້ມປ້ຽນລີກອີກຄັ້ງ ແຕ່ກັບປະເຊີນກັບການບາດເຈັບຈົນລາວເກືອບບໍ່ໄດ້ຫລິ້ນໃນລະດູການທີ່ຜ່ານມາ.

ຈາກສະຖານະການດັ່ງກ່າວທີ່ ຜີສາດແດງ ມີຂ່າວກັບນັກເຕະໃນຕຳແໜ່ງກອງກາງຢ່າງຕໍ່ເນື່ອງ ເຮັດໃຫ້ລາວກຳລັງພິຈາລະນາຊອກຫາຕົົ້ນສັງກັດໃຫມ່ເພື່ອຈະສາມາດລົງຫລິ້ນເປັນປະຈໍາ ເຮັດໃຫ້ອາດຈະບໍ່ຢູ່ໃນ Old Trafford ໃນລະດູການໜ້າ.