ຖ້າເປີດໂຕ! ເບນເຊມ່າ ສຳເລັດສັນຍາ ຍ້າຍຮ່ວມທີມ ອັລ ຮິຕິຮັດ

ຄາຣິມ ເບນເຊມ່າ ໄດ້ສຳເລັດເງື່ອນໄຂຂອງສັນຍາສ່ວນຕົວຂອງລາວ. ກຽມເປີດໂຕເປັນຜູ້ຫລິ້ນຄົນໃໝ່ຂອງ ອັລ ຮິຕິຮັດ, ອີງຕາມລາຍງານຂອງ Fabrizio Romano.

ດາວຍິງ, ເຈົ້າຂອງລາງວັນ Ballon d’Or ຫລ້າສຸດ ປະກາດອຳລາ ເຣອັລ ມາດຣິດ ກ່ອນເກມສຸດທ້າຍຂອງລະດູການທີ່ລາວມີໂອກາດທີ່ອຳລາແຟນບານໃນສະຫນາມກິລາ. ແລະ ຍິງຈຸດໂທດເປັນປະຕູຕີສະເໝີກັນ 1-1 ກັບ Athletic Bilbao ກ່ອນທີ່ຈະອອກໄປຊອກຫາສິ່ງທ້າທາຍໃໝ່.

ທັງນີ້ສັນຍາຂອງ ເບນເຊມ່າ ກັບ ອັລ ຮິຕິຮັດ ຈະເຊັນສັນຍາກັນຈົນເຖິງປີ 2025 ໂດຍມີທາງເລືອກທີ່ຈະຂະຫຍາຍອອກໄປອີກ 1 ປີ. ໂດຍເອກະສານສ່ວນໃຫຍ່ໄດ້ລົງນາມຮຽບຮ້ອຍແລ້ວ. ກ່ອນການປະກາດຢ່າງເປັນທາງການໃນໄວໆນີ້.