ກັກຕົວເປົ້າໝາຍຊື້ – ຂາຍ ຢາເສບຕິດ 6 ຄົນ ພ້ອມພວກມົ້ວສຸມຈໍານວນ 11 ຄົົນ
ພະແນກຕຳຫລວດສະກັດກັ້ນ ແລະ ຕ້ານຢາເສບຕິດ ປກສ ແຂວງອຸດົມໄຊສົມທົບກັບເຈົ້າໜ້າທີ່ ປກສ ກຸ່ມເທສະບານ ໄດ້ເກັບກຳແຫລ່ງຂ່າວ ແລະ ສືບຄົ້ນຫາເປົ້າໝາຍຄ້າ – ຂາຍຢາເສບຕິດ ລາຍຍ່ອຍ, ມ້າງຈຸດມົ້ວສຸມຢາເສບຕິດຢູ່ໃນເທສະບານເມືອງໄຊ, ໃນນີ້ກຳນົດເປົ້າໝາຍມີການເຄື່ອນໄຫວຄ້າ – ຂາຍ ແລະ ມົ້ວສຸມຢາເສບຕິດຈໍານວນ 4 ຈຸດ, ເຈົ້າໜ້າທີ່ຈິ່ງໄດ້ເຂົ້າກວດຄົ້ນເຄຫາສະຖານຂອງເປົ້າໝາຍຢູ່ທີ່ບ້ານໂຮມສຸກ ເມືອງໄຊ ແຂວງອຸດົມໄຊ, ໃນວັນທີ 24 ພຶດສະພາ 2023 ໄດ້ເຂົ້າກັກຕົວເປົ້າໝາຍຄ້າ – ຂາຍ 6 ຄົນ, ຍິງ 3 ຄົນຄື: ທ້າວ ພອນ ອາຍຸ 36 ປີ ຢູ່ບ້ານປຸ່ງຫຽງ, ນາງ ເບົາຊົງ ອາຍຸ 36 ປີ, ທ້າວ ກາພົງຊົງ ອາຍຸ 62 ປີ, ນາງ ເນັງຊົງ ອາຍຸ 46 ປີ, ທ້າວ ໄທຊົງ ອາຍຸ 38 ປີ, ນາງ ຈາຍຊົງ ອາຍຸ 50 ປີ ຢູ່ບ້ານໂຮມສຸກ ເມືອງໄຊ ແຂວງອຸດົມໄຊ, ພ້ອມຂອງການຢາເສບຕິດປະເພດຢາບ້າຈໍານວນ 1.856 ເມັດ ນ້ຳໜັກ 176,5 ກຣາມ, ເຮໂລອີນ 4,8 ກ້ອນນ້ອຍ ນ້ຳໜັກ 12,2 ກຣາມ, ເງີນກີບ 7. 600.000 ກີບ, ເງີນບາດ 2.000 ບາດ, ໂທລະສັບ 3 ເຄື່ອງ, ບັ້ງເສບຢາບ້າ 5 ບັ້ງ, ແປ້ງຝຸ່ນສີບົວ 1 ຖົງ ນ້ຳໜັກ 215,5 ກຣາມ, ແປ້ງຝຸ່ນສີແດງ 2 ຖົງ ນ້ຳໜັກ 2,1 ກິໂລກຣາມ.
ນອກນັ້ນຍັງໄດ້ກັກຕົວພວກມົ້ວສຸມເສບຢາເສບຕິດໄດ້ 11 ຄົນ ຄື: ທ້າວ ໂລ້ ອາຍຸ 33 ປີ ຢູ່ບ້ານມອນໃຕ້, ທ້າວ ບຸນຄົງ ອາຍຸ 43 ປີ ບ້ານຫຼັກ 4, ທ້າວ ຕຸນ ອາຍຸ 36 ປີ ຢູ່ບ້ານວັງໄຮ, ທ້າວຈ່ອຍ ອາຍຸ 28 ປີ ບ້ານບໍ່, ທ້າວກຸຍ ອາຍຸ 38 ປີ, ທ້າວ ສຸກຖາວອນ ອາຍຸ 29 ປີ ບ້ານພູຂຽວ ເມືອງໄຊ ແຂວງອຸດົມໄຊ. ທ້າວ ຊາຍ ອາຍຸ 38 ປີ ບ້ານມົກລະຫາງ, ທ້າວ ທອງດີ ອາຍຸ 42 ປີ ບ້ານຫາດແອນ, ທ້າວ ຄໍາຕັນ ອາຍຸ 35 ປີ ບ້ານໜອງບົວ ເມືອງຫລາ ແຂວງອຸດົມໄຊ. ທ້າວ ຕິງຢົງ ອາຍຸ 19 ປີ ບ້ານນ້ຳລີ ເມືອງສຳພັນ ແຂວງຜົ້ງສາລີ. ທ້າວ ຈະຊົງ ອາຍຸ 36 ປີ ບ້ານນາໂຮມ ເມືອງນາໝໍ້ ແຂວງອຸດົມໄຊ. ຄະດີດັ່ງກ່າວທາງເຈົ້າໜ້າທີ່ພວມເລັ່ງສຶບສວນ – ສອບສວນເພື່ອຂະຫຍາຍຜົນ ແລະ ດໍາເນີນຄະດີຕາມກົດໝາຍ.
