ຄອນເນີ້ ແມັກເກເກີ ກຽມຄືນສັງວຽນ ພົບກັບ ໄມເຄິນ ແຊນເລີ ທ້າຍປີນີ້

ຄອນເນີ້ ແມັກເກເກີ ນັກສູ້ UFC ຊາວໄອແລນ ທີ່ບໍ່ໄດ້ແຂ່ງຂັນມາເປັນເວລາດົນນັບຕັ້ງແຕ່ເສຍໃຫ້ ດັສຕິນ ປົວລິເຢ ໃນສຶກ UFC 246 ໃນວັນທີ 11 ກໍລະກົດ 2021. ເຊິ່ງໃນການຕໍ່ສູ້ນັ້ນ, ຄອນເນີ້ ແມັກເກເກີ ໄດ້ຮັບບາດເຈັບຂາຫັກ ເຊິ່ງສົ່ງຜົນໃຫ້ໜ້າຫາຍຕາເປັນເວລາດົນ. ຢ່າງໃດກໍຕາມ, ໃນອີກບໍ່ເທົ່າໃດເດືອນຂ້າງຫນ້າ, ພວກເຮົາຈະເຫັນ ຄອນເນີ້ ແມັກເກເກີ ອີກເທື່ອຫນຶ່ງ.

ເຖິງວ່າຈະມີປະກາດອອກມາຫລາຍເດືອນກ່ອນຫນ້ານີ້ວ່າໃນປີ 2023 ຄອນເນີ້ ແມັກເກເກີ ຈະກັບຄືນສັງວຽນ UFC ແນ່ນອນ ແຕ່ຍັງບໍ່ມີກຳນົດວັນຂຶ້ນຊົກຢ່າງຊັດເຈນ ເພາະລາວຍັງບໍ່ທັນໄດ້ເລີ່ມຂະບວນການກວດສານເສບຕິດໃນຮ່າງກາຍກັບອົງການລັດ.

ແຕ່ບໍ່ດົນມານີ້ມີລາຍງານວ່າ ຄອນເນີ້ ແມັກເກເກີ ໄດ້ມື້ທີ່ຈະຕໍ່ສູ້ກັບ ໄມເຄິນ ແຊນເລີ ໃນລຸ້ນນ້ຳຫນັກເບົາຮຽບຮ້ອຍແລ້ວ ໃນວັນທີ 16 ເດືອນທັນວາ 2023, ໂດຍເປັນການສົ່ງທ້າຍປີຂອງ UFC ຈະຈັດຂຶ້ນທີ່ T-Mobile Arena 20,000 ບ່ອນນັ່ງໃນ Las Vegas. ສະ​ຫະ​ລັດອາເມາລິກາ.