ປະທານປະເທດອອກລັດຖະດໍາລັດ ວ່າດ້ວຍການແຕ່ງຕັ້ງຄະນະກໍາມະການລະດັບຊາດ 22 ທ່ານ ເພື່ອການຫັນເປັນດິຈິຕອນຂອງ ສປປ ລາວ
ວັນທີ 2 ມິຖຸນາ 2023 ຜ່ານມານີ້ ປະທານປະເທດສາທາລະນະລັດ ປະຊາທິປະໄຕ ປະຊາຊົນລາວ ອອກລັດຖະດາໍລັດ ວ່າດ້ວຍການແຕ່ງຕັ້ງຄະນະກໍາມະການລະດັບຊາດ ເພື່ອການຫັນເປັນດິຈິຕອນຂອງ ສປປ ລາວ ໂດຍອີງຕາມ ລັດຖະທໍາມະນູນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ (ສະບັບປັບປຸງ ປີ 2015) ມາດຕາ 67, ອີງຕາມ ຫນັງສືສະເຫນີ ຂອງນາຍົກລັດຖະມົນຕີ ສະບັບເລກທີ 36/ນຍ, ລົງວັນທີ 16 ພຶດສະພາ 2023 ດັ່ງນີ້:
ມາດຕາ 1 ຕົກລົງເເຕ່ງຕັ້ງ ຄະນະກໍາມະການລະດັບຊາດ ເພື່ອການຫັນເປັນດິຈິຕອນ ຂອງ ສປປ ລາວ ປະກອບດ້ວຍ ບັນດາທ່ານ ດັ່ງນີ້:
- ທ່ານ ນາຍົກລັດຖະມົນຕີ ແຫ່ງ ສປປ ລາວ ເປັນປະທານ.
- ທ່ານ ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນຄວາມສະຫງົບ ປະທານຄະນະກໍາມະການຄຸ້ມຄອງອິນເຕີເນັດແຫ່ງຊາດ ເປັນຮອງປະທານ.
- ທ່ານ ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ເປັນຮອງປະທານ
- ທ່ານ ລັດຖະມົນຕີ ກະຊວງເຕັກໂນໂລຊີ ແລະ ການສື່ສານ ເປັນຮອງປະທານ, ຜູ້ປະຈໍາການ ເປັນກໍາມະການ
- ທ່ານ ລັດຖະມົນຕີ, ຫົວຫນ້າຫ້ອງວ່າການສໍານັກງານນາຍົກລັດຖະມົນຕີ ເປັນກໍາມະການ
- ທ່ານ ລັດຖະມົນຕີ ກະຊວງການເງິນ
- ທ່ານ ລັດຖະມົນຕີ ກະຊວງແຜນການ ແລະ ການລົງທຶນເປັນກໍາມະການ
- ທ່ານ ລັດຖະມົນຕີ ກະຊວງອຸດສາຫະກໍາ ແລະ ການຄ້າ ເປັນກໍາມະການ
- ທ່ານ ລັດຖະມົນຕີ ກະຊວງແຮງງານ ແລະ ສະຫວັດດີການ-ສັງຄົມ ເປັນກໍາມະການ
- ທ່ານ ລັດຖະມົນຕີ ກະຊວງພະລັງງານ ແລະ ບໍ່ແຮ່ ເປັນກໍາມະການ
- ທ່ານ ລັດຖະມົນຕີ ກະຊວງກະສິກໍາ ແລະ ປ່າໄມ້ ເປັນກໍາມະການ
- ທ່ານ ລັດຖະມົນຕີ ກະຊວງໂຍທາທິການ ແລະ ຂົນສົ່ງ ເປັນກໍາມະການ
- ທ່ານ ລັດຖະມົນຕີ ກະຊວງສຶກສາທິການ ແລະ ກິລາ ເປັນກໍາມະການ
- ທ່ານ ລັດຖະມົນຕີ ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ເປັນກໍາມະການ
- ທ່ານ ລັດຖະມົນຕີ ກະຊວງຍຸຕິທໍາ ເປັນກໍາມະການ
- ທ່ານ ລັດຖະມົນຕີ ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ ເປັນກໍາມະການ
- ທ່ານ ລັດຖະມົນຕີ ກະຊວງພາຍໃນ ເປັນກໍາມະການ
- ທ່ານ ລັດຖະມົນຕີ ກະຊວງສາທາລະນະສຸກ ເປັນກໍາມະການ
- ທ່ານ ປະທານສະຖາບັນຄົ້ນຄວ້າເສດຖະກິດ-ສັງຄົມ ແຫ່ງຊາດ ເປັນກໍາມະການ
- ທ່ານ ຮອງລັດຖະມົນຕີ ກະຊວງປ້ອງກັນປະເທດ ເປັນກໍາມະການ
- ທ່ານ ຜູ້ວ່າການ ທະນາຄານແຫ່ງ ສປປ ລາວ ເປັນກໍາມະການ
- ທ່ານ ຮອງລັດຖະມົນຕີ ກະຊວງເຕັກໂນໂລຊີ ແລະ ການສື່ສານ ເປັນກໍາມະການ, ຫົວຫນ້າຄະນະຊ່ວຍວຽກ.
ມາດຕາ 2 ຄະນະກໍາມະການລະດັບຊາດ ເພື່ອການຫັນເປັນດິຈິຕອນ ຂອງ ສປປ ລາວ ມີພາລະບົດບາດ ເປັນເສນາທິການໃຫ້ລັດຖະບານໃນການວາງແນວທາງ, ຍຸດທະສາດ, ກໍານົດນະໂຍບາຍ, ແຜນການ ແລະ ກົນໄກ ໃນການຊີ້ນໍາ ຈັດຕັ້ງປະຕິບັດການຫັນເປັນດິຈິຕອນ ຢູ່ສູນກາງ ແລະ ທ້ອງຖິ່ນ ບົນພື້ນຖານການປະຕິຮູບ ແລະ ພັດທະນາລັດຖະບານດິຈິຕອນ, ເສດຖະກິດດິຈິຕອນ ແລະ ສັງຄົມດິຈິຕອນ, ສ້າງເງື່ອນໄຂອໍານວຍຄວາມ ສະດວກໃຫ້ແກ່ການຫັນເປັນດິຈິຕອນ ຂອງ ສປປ ລາວ.
ມາດຕາ 3 ສິດ ແລະ ຫນ້າທີ່ ຂອງຄະນະກໍາມະການລະດັບຊາດ ເພື່ອການຫັນເປັນດິຈິຕອນ ຂອງ ສປປ ລາວ 1. ປະຕິບັດນິຕິກໍາ ຂອງ ສະພາແຫ່ງຊາດ, ຄະນະປະຈໍາສະພາແຫ່ງຊາດ, ປະທານປະເທດ ແລະ ລັດຖະບານ ວາງອອກຢ່າງເຂັ້ມງວດ.
- ປະຕິບັດພາລະບົດບາດ ຕາມທີ່ໄດ້ກໍານົດໄວ້ໃນ ມາດຕາ 2.
- ຊີ້ນໍາ-ນໍາພາ ການຈັດຕັ້ງປະຕິບັດແນວທາງ, ຍຸດທະສາດ, ກົນໄກ ແລະ ນະໂຍບາຍຊຸກຍູ້ ສົ່ງເສີມການ ຫັນເປັນດິຈິຕອນ ຂອງ ສປປ ລາວ, ບົນພື້ນຖານການປະຕິຮູບ ແລະ ການພັດທະນາລັດຖະບານດິຈິ ຕອນ, ເສດຖະກິດດິຈິຕອນ, ສັງຄົມດິຈິຕອນ, ປະກອບຄໍາເຫັນຕໍ່ການຈັດຕັ້ງປະຕິບັດ ຍຸດທະສາດ, ແຜນງານ, ກົນໄກ, ນະໂຍບາຍ, ບັນດາໂຄງການກ່ຽວກັບການຫັນເປັນດິຈິຕອນ, ການພັດທະນາ ລັດຖະບານດິຈິຕອນ, ເສດຖະກິດດິຈິຕອນ, ສັງຄົມດິຈິຕອນ, ສ້າງເງື່ອນໄຂສະດວກໃຫ້ແກ່ການຫັນ ເປັນດິຈິຕອນຂອງ ສປປ ລາວ.
- ຊີ້ນໍາບັນດາອົງການຈັດຕັ້ງຂັ້ນສູນກາງ ແລະ ທ້ອງຖິ່ນ ປະຕິບັດບັນດາເປົ້າຫມາຍການຫັນເປັນດິຈິຕອນ, ການພັດທະນາລັດຖະບານດິຈິຕອນ, ເສດຖະກິດດິຈິຕອນ ແລະ ສັງຄົມດິຈິຕອນ: ຊີ້ນໍາບັນດາພາກ ສ່ວນກ່ຽວຂ້ອງ ຈັດຕັ້ງປະຕິບັດ ຍຸດທະສາດ, ນະໂຍບາຍ, ແຜນງານ, ກົນໄກ, ບັນດາໂຄງການ ກ່ຽວ ກັບການຫັນເປັນດິຈິຕອນ, ການພັດທະນາລັດຖະບານດິຈິຕອນ, ເສດຖະກິດດິຈິຕອນ ແລະ ສັງຄົມດິ ຈິຕອນ; ຕິດຕາມ ແລະ ສົມທົບກັນຈັດຕັ້ງປະຕິບັດໂຄງການຫັນເປັນດິຈິຕອນ, ບັນດາເນື້ອໃນທີ່ ກ່ຽວຂ້ອງກັບ ວິໄສທັດການພັດທະນາເສດຖະກິດດິຈິຕອນ ແຫ່ງຊາດ ໄລຍະ 20 ປີ (2021-2040), ປີ ຍຸດທະສາດການພັດທະນາເສດຖະກິດດິຈິຕອນ ແຫ່ງຊາດ ໄລຍະ 10 ປີ(2021-2025) ແລະ ແຜນ ພັດທະນາເສດຖະກິດດິຈິຕອນ ແຫ່ງຊາດ ໄລຍະ 5 ປີ (2021-2025).
- ຊຸກຍູ້ ແລະ ກວດກາການຈັດຕັ້ງປະຕິບັດ ຍຸດທະສາດ, ນະໂຍບາຍ, ແຜນງານ, ໂຄງການ, ກົນໄກ ກ່ຽວກັບການຫັນເປັນດິຈິຕອນ, ການພັດທະນາລັດຖະບານດິຈິຕອນ, ເສດຖະກິດດິຈິຕອນ ແລະ ສັງຄົມດິຈິຕອນ: ຊຸກຍູ້ການຈັດຕັ້ງປະຕິບັດໂຄງການຫັນເປັນດິຈິຕອນຂອງ ສປປ ລາວ, ປະເມີນ, ຕີ ລາຄາສະພາບການ ແລະ ຜົນການປະຕິບັດບັນດາຫນ້າວຽກທີ່ສໍາຄັນ ໃນການຫັນເປັນດິຈິຕອນ ຂອງສປປ ລາວ.
- ແຕ່ງຕັ້ງຄະນະຊ່ວຍວຽກຕົນໃນກໍລະນີມີຄວາມຈໍາເປັນ.
- ຈັດກອງປະຊຸມສາມັນທຸກໆ 6 ເດືອນ ແລະ ກອງປະຊຸມວິສາມັນ ຕາມຄວາມຮຽກຮ້ອງຕ້ອງການຂອງ ວຽກງານ ເພື່ອສະຫຼຸບວາງແຜນ ກໍານົດທິດທາງຫນ້າວຽກທີ່ເປັນຈຸດສຸມຂອງການພັດທະນາວຽກງານດິຈິຕອນໃນແຕ່ລະໄລຍະ.
- ປະຕິບັດວຽກງານອື່ນໆ ຕາມການມອບຫມາຍຂອງລັດຖະບານ.
ມາດຕາ 4 ບັນດາກະຊວງ, ອົງການທຽບເທົ່າກະຊວງ, ນະຄອນຫຼວງວຽງຈັນ, ບັນດາແຂວງ, ທຸກພາກສ່ວນທີ່ກ່ຽວ ຂ້ອງ ແລະ ບັນດາທ່ານທີ່ໄດ້ຮັບການແຕ່ງຕັ້ງ ຈົ່ງຮັບຮູ້ ແລະ ຈັດຕັ້ງປະຕິບັດລັດຖະດໍາລັດສະບັບນີ້ ໃຫ້
ໄດ້ຮັບຫມາກຜົນເປັນຢ່າງດີ.
ມາດຕາ 5 ລັດຖະດໍາລັດສະບັບນີ້ ມີຜົນສັກສິດນັບແຕ່ວັນລົງລາຍເຊັນ ເປັນຕົ້ນໄປ.
