ຄະນະພັກຮາກຖານ ກົມສ່ວຍສາອາກອນ ຕີລາຄາວຽກງານຮອບດ້ານກາງສະໄໝ 2023-2025

ການດຳເນີນກອງປະຊຸມ ກາງສະໄໝ 2021-2023 ແລະ ທິດທາງແຜນການທ້າຍສະໄໝ 2023-2025 ຂອງຄະນະພັກຮາກຖານກົມສ່ວຍສາອາກອນ ມີຄວາມໝາຍຄວາມສຳຄັນ, ບັນດາສະຫາຍໄດ້ຕັ້ງໜ້າເອົາໃຈໃສ່ຕິດຕາມ ການນຳສະເໜີຜ່ານບົດສະຫລຸບ ຕີລາຄາການນຳພາ-ຊີ້ນຳວຽກງານຮອບດ້ານກາງສະໄໝ (2021-2023) ແລະ ທິດທາງແຜນການທ້າຍສະໄໝ(2023-2025)ຂອງຄະນະພັກຮາກຖານກົມສ່ວຍສາອາກອນ; ບົດສະຫລຸບຕີລາຄາການຈັດຕັ້ງປະຕິບັດແຜນພັດ ທະນາຂະແໜງສ່ວຍສາອາກອນ (2021-2023) ແລະ ທິດທາງການຈັດຕັ້ງປະຕິບັດໃນຕໍ່ໜ້າ (2023-2025); ບົດສຳຫລວດນຳພາລວມຂອງຄະນະພັກຮາກຖານ ກົມສ່ວຍສາອາກອນກາງສະ ໄໝ(2021-2023) ແລະ ວິທີແກ້ໄຂໃນຕໍ່ໜ້າ (2023-2025). ພ້ອມກັນນີ້, ໄດ້ເຫັນດີເປັນເອກະພາບຮັບຮອງເອົາເນື້ອໃນຂອງບົດສະຫລຸບດັ່ງກ່າວ ແລະ ບັນດາສະມາຊິກພັກ ໄດ້ມີຄວາມເປັນເອກະພາບສູງຕໍ່ບົດຕີລາຄາການນຳພາ-ຊີ້ນຳໄລຍະກາງສະໄໝ ແລະ ແຜນພັດທະນາຂະແໜງສ່ວຍສາອາກອນ ແລະ ບົດສຳຫລວດນຳພາລວມຂອງ ຄະນະພັກຮາກຖານ.

ໃນກອງປະຊຸມຄັ້ງນີ້, ຍັງໄດ້ພ້ອມກັນຄົ້ນຄວ້າ, ເຊື່ອມຊຶມ ແລະ ປຶກສາຫາລືປະກອບຄຳເຫັນຢ່າງກົງໄປກົງມາແບບສ້າງສັນ, ມີຄວາມຮັບຜິດຊອບສູງ ໂດຍໄດ້ຕີລາຄາດ້ານດີ, ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ ແນໃສ່ຈັດຕັ້ງປະຕິບັດວຽກງານໃຫ້ມີຄວາມໜັກແໜ້ນ, ເຂັ້ມແຂງ ແລະ ໄດ້ພ້ອມກັນລົງຄະແນນສຽງທາບທາມຄວາມໄວ້ວາງໃຈ ຕໍ່ການນໍາພາ-ຊີ້ນໍາຂອງຄະນະພັກຮາກຖານກົມສ່ວຍສາອາກອນ ໃນການຈັດຕັ້ງປະຕິບັດວຽກງານຮອບດ້ານໄລຍະຜ່ານມາ ຕື່ມອີກ.

ໂອກາດນີ້, ສະຫາຍ ສັນຕິພາບ ພົມວິຫານ ໄດ້ເນັ້ນໃຫ້ຄະນະພັກຮາກຖານກົມສ່ວຍສາອາກອນ ເອົາໃຈໃສ່ບາງບັນຫາເປັນຕົ້ນ ເພີ່ມທະວີການສຶກສາອົບຮົມການເມືອງ-ແນວຄິດໃຫ້ແກ່ສະ ມາຊິກພັກ-ພະນັກງານ ໃຫ້ເຊື່ອມຊຶມ, ກໍາແໜ້ນແນວທາງປ່ຽນແປງໃໝ່ຂອງພັກ, ຍົກສູງຄຸນທາດການເມືອງ, ທັດສະນະຊົນຊັ້ນ, ຄວາມເປັນແບບຢ່າງ ແລະ ຄຸນສົມບັດ, ຄວາມຮູ້ຄວາມສາມາດຂອງສະມາຊິກພັກ-ພະນັກງານ; ເຊີດຊູນໍ້າໃຈຮັບຜິດຊອບໃນໜ້າທີ່ການເມືອງ ທີ່ໄດ້ຮັບມອບໝາຍ, ຮັກສາຄວາມສາມັກຄີເປັນເອກະພາບພາຍໃນພັກ, ປະສານສົມທົບກັບພາກສ່ວນກ່ຽວຂ້ອງ ເພື່ອສະກັດກັ້ນ ແລະ ແກ້ໄຂບັນຫາປະກົດການຫຍໍ້ທໍ້ພາຍໃນພັກ, ໃນໜູ່ມະຫາຊົນໃຫ້ຫລຸດລົງເທື່ຶອລະກ້າວ; ຕີລາຄາປະເມີນຜົນສະມາຊິກພັກ-ພະນັກງານໃຫ້ເລິກເຊິ່ງ ໂດຍຕິດພັນກັບການເປີດບັ້ນດຳເນີນຊີວິດການເມືອງ, ເປັນການກວດກາ-ຕີລາຄາຄຸນນະພາບຂອງສະມາຊິກພັກ-ພະນັກງານ ແນໃສ່ຊຸກຍູ້ສົ່ງ ເສີມສະມາຊີກພັກ-ພະນັກງານທີ່ມີຜົນງານດີເດັ່ນ. ພ້ອມກັນນີ້, ຕ້ອງມີມາດຕະການເດັດຂາດຕໍ່ສະມາຊີກພັກ-ພະນັກງານທີ່ເສຍທາດຂາດຄຸນ, ລະເມີດກົດລະບຽບຂອງພັກຮັບສິນບົນ, ໃຫ້ສິນບົນ, ບໍ່ມີຄວາມໂປ່ງໄສ ຕ້ອງແກ້ໄຂທັນເວລາ ແລະ ເດັດຂາດຕໍ່ຜູ້ລະເມີດກົດລະບຽບຂອງພັກ ຢ່າງເຂັ້ມງວດ; ເພີ່ມທະວີການນຳພາ-ຊີ້ນຳຂອງພັກ, ເສີມຂະຫຍາຍສິດເປັນເຈົ້າ; ເອົາໃຈໃສ່ປັບປຸງກໍ່ສ້າງບັນດາໜ່ວຍພັກ ແລະ ສະມາຊິກໃຫ້ມີຄວາມເຂັ້ມແຂງ, ໜັກແໜ້ນທາງດ້ານການເມືອງ-ແນວຄິດ, ການຈັດຕັ້ງ ແລະ ແບບແຜນວິທີນຳພາໃຫ້ຖືກຕ້ອງຕາມ 5 ເນື້ອໃນຂອງການກໍ່ສ້າງໜ່ວຍພັກ ປອດໃສ, ເຂັ້ມແຂງ, ໜັກແໜ້ນ; ເອົາໃຈໃສ່ຄວາມສາມັກຄີຮັກແພງ, ຈິງໃຈຊ່ວຍເຫລືອເຊິ່ງກັນ ແລະ ກັນຢູ່ພາຍໃນພັກໃນໜູ່ຄະນະ ແລະ ໃນໜູ່ມະຫາຊົນ; ຊຸກຍູ້ບັນດາອົງການຈັດຕັ້ງມະຫາຊົນ ໃຫ້ມີການເຄື່ອນໄຫວ ປະຕິບັດລະບອບດຳເນີນຮ່ວມຊີວິດການເມືອງ ຂອງແຕ່ລະອົງການໃຫ້ເປັນປົກກະ ຕິຕໍ່ເນື່ອງ. ທັງນີ້, ກໍເພື່ອພ້ອມກັນປະຕິບັດໜ້າທີ່ການເມືອງຂອງຕົນ ໃຫ້ມີຜົນສຳເລັດຕາມລະດັບຄາດໝາຍທີ່ວາງໄວ້.