ຟໍເຣສ ປະກາດແຍກທາງກັບ ລິນກາດ ຫລັງໝົດສັນຍາ 1 ປີ ກັບທີມຮຽບຮ້ອຍ
ນອດຕິງແຮມ ຟໍເຣສ ປະກາດອັບເດດສະຖານະນັກເຕະພາຍໃນທີມ ຫລັງຈົບລະດູການ 2022/23 ທີ່ຫາກໍ່ຜ່ານພົ້ນໄປ. ໂດຍໄດ້ຕັດສິນໃຈແຍກທາງກັບ ເຈສຊີ່ ລິນກາດ ເປັນທີ່ຮຽບຮ້ອຍແລ້ວ.
ອະດີດເດັກປັ້ນຂອງ ແມນເຊັສເຕີ ຢູໄນເຕັດ ໄດ້ເຊັນສັນຍາ 1 ປີ ກັບທັບເຈົ້າປ່າ ພ້ອມກັບຮັບຄ່າຈ້າງສູງເຖິງປະມານ 120,000 ປອນຕໍ່ອາທິດ. ແຕ່ຜົນງານດັ່ງກ່າວເປັນທີ່ໜ້າຜິດຫວັງເມື່ອລາວບໍ່ສາມາດຍິງປະຕູຫລືຊ່ວຍເຫລືອໃດໆໄດ້ເລີຍ ໃນທັງໝົດ 17 ເກມທີ່ລົງຫລິ້ນໃນພຣີເມຍລີກລະດູການທີ່ຜ່ານມາ. ເຮັດໃຫ້ໃນທີ່ສຸດກໍ່ບໍ່ໄດ້ໄປຕໍ່ໃນດິນແດນ ຊິຕີ້ ກຣາວ.
ນອກເໜືອໄປຈາກ ລິນກາດ ຍັງມີອີກ 5 ຄົນທີ່ທີມຊຸດທຳອິດບໍ່ໄດ້ໄປຕໍ່ກັບ ຟໍເຣສ ຄື: ອັລເດຣ ອາຢີວ, ຄາຟູແຈັກ ໂຄແບັກ, ຈໍແດນ ສະມິສ ແລະ ໄລ ເທເລີ.
ທັງ 3 ຄົນທີ່ຢືມຕົວມາຄື: ຄີເລີ ນາວາສ, ດີນ ເຮັນເດີສັນ ແລະ ເຣນັນ ໂລດີ ຈະກັບໄປສະໂມສອນຕົ້ນສັງກັດ ຫລັງຈາກທີ່ສັນຍາຢືມໂຕຂອງເຂົາເຈົ້າໝົດກຳນົດໃນວັນທີ 30 ມິຖຸນາ.
