ຄວາມຮ້ອນຈາກແສງແດດ ເປັນປັດໄຈສ່ຽງເຮັດໃຫ້ເກີດພະຍາດຜິວໜັງ

ຮູ້ຫລືບໍ່? ຖ້າເຮົາໄດ້ຮັບແສງແດດໃນປະລິມານຫລາຍເກີນໄປດົນກວ່າ 15 ນາທີ ລັງສີ UV ຈະທໍາລາຍລະບົບພູມຕ້ານທານຂອງຮ່າງກາຍ, ລວມທັງຜິວໜັງ, ດວງຕາ ແລະ ເຮັດໃຫ້ເກີດພະຍາດມະເຮັງຜິວໜັງ, ເຊິ່ງໃນຊ່ວງເວລາ 09.00-15.00 ໂມງ ເປັນຊ່ວງເວລາທີ່ມີລັງສີ UV ຫລາຍ

ຄວາມຮ້ອນຈາກແສງແດດ ເປັນປັດໄຈສ່ຽງເຮັດໃຫ້ເກີດພະຍາດຜິວໜັງ

.

ມະເຮັງຜິວໜັງ ແມ່ນຢູ່ວ່າບໍ່ຄ່ອຍພົບເຫັນໃນແຖບອາຊີ ເມື່ອທຽບກັບແຖບເອີຣົບ ອາດເປັນເພາະວ່າຄົນອາຊີມີສີຜິວທີ່ຄໍ້າກວ່າ ເລີຍເຮັດໃຫ້ສານເມລານິນ ປ້ອງກັນລັງສີອຸນຕ້າໄວໂອເລັດ (Ultraviolet) ຈາກແສງແດດໄດ້ດີກວ່າ ແຕ່ຢ່າລືມວ່າແດດປະເທດລາວກໍບໍ່ທໍາມະດາ ເຊິ່ງເປັນປັດໄຈສ່ຽງໃນການເກີດມະເຮັງຜິວໜັງ

.

ສາເຫດທີ່ເຮັດໃຫ້ເກີດພະຍາດຜິວໜັງ

– ແສງແດດ☀ ລັງສີ UV ຈະເຂົ້າໄປທໍາລາຍ DNA (Genotoxic) ເພາະໃນແສງແດດມີສານກະຕຸ້ນມະເຮັງຢູ່ແລ້ວ ແລະ ຍິ່ງໄດ້ຮັບແສງແດດໂດຍກົງເປັນເວລາດົນ ກໍຈະຍິ່ງເພີ່ມຄວາມສ່ຽງໃນການເປັນມະເຮັງຜິວໜັງ

– ສານເຄມີບາງຢ່າງ ເຊັ່ນ ສານໜູທີ່ອາດປົນເປື້ອນໃນຢາໝໍ, ຢາສະໝຸນໄພ

– ກໍາມະພັນ ຄົນຜິວຂາວ ຫລື ຜິວເຜືອກ ມີຄວາມສ່ຽງຫລາຍກວ່າຄົນຜິວເຂັ້ມ

– ຄວາມຜິດປົກກະຕິຂອງຜິວ ມີໄຝ ຫລື ຂີ້ແມງວັນຫລາຍຜິດປົກກະຕິ

– ພາວະພູມຕ້ານທານບົກພ່ອງ ເຊັ່ນ HIV ຫລື ໄດ້ຮັບຢາກົດພູມຕ້ານທານ

.

ວິທີປ້ອງກັນ

– ຫລີກລ່ຽງແສງແດດໃນຊ່ວງເວລາ 09.00-15.00 ໂມງ ເນື່ອງຈາກເປັນຊ່ວງເວລາທີ່ອັນຕະລາຍຕໍ່ຜິວໜັງ

– ຫາກຕ້ອງອອກໄປຂ້າງນອກ ຫລື ເຮັດວຽກກາງແຈ້ງ ຄວນໃສ່ເສື້ອຜ້າທີ່ມີຄວາມໜາ, ໃສ່ໝວກ ແລະ ກາງຄັນຮົ່ມ

– ທາຄີມກັນແດດໃນປະລິມານທີ່ເໝາະສົມ ກ່ອນອອກແດດ 15 ນາທີ ແລະ ທາຊໍ້າທຸກໆ 2 ຊົ່ວໂມງ, ຄວນເລືອກຄີມກັນແດດທີ່ມີຄ່າ SPF 30 ຂຶ້ນໄປ

.

ຂໍ້ມູນຈາກ