ຕໍ່ໄປນີ້ແມ່ນ 10 ຜົນເສຍທີ່ເກີດກັບເດັກນ້ອຍຕຸ້ຍ

1. ລະບົບກະດູກ ແລະ ຂໍ້ ເຊັ່ນ : ປວດຫລັງ, ຂາໂຂງ, ຍ່າງບໍ່ງາມ, ປວດຂໍ້, ຂໍ້ອັກເສບ.

1. ລະບົບຫົວໃຈ ແລະ ຫລອດເລືອດ :  ແມ່ນພະຍາດຫົວໃຈ, ກ້າມຊີ້ນຫົວໃຈຂາດເລືອດ ປະຈຸບັນພົບຄົນເປັນພະຍາດນີ້ໃນຄົນທີ່ອາຍຸຍັງໜ້ອຍຫລາຍຂຶ້ນເລື້ອຍໆ ຈາກແຕ່ກ່ອນ 50 – 70 ປີ ເຫລືອພຽງ 30 ກ່ວາປີເທົ່ານັ້ນ.

3. ລະບົບທາງເດີນຫາຍໃຈ ຄື ອາການຢຸດຫາຍໃຈຂະນະນອນຫລັບ.

4. ລະບົບທາງເດີນອາຫານ ແລະ ພະຍາດຕັບ ເຊັ່ນ : ໄຂມັນຫຸ້ມຕັບ.

5. ລະບົບຕ່ອມບໍ່ມີທໍ່ ແລະ ເມຕາບໍລິຊຶມ ເຊັ່ນ : ການເກີດພະຍາດເບົາຫວານຊະນິດທີ 2, ເກີດໄຂມັນບໍ່ດີຫລາຍ, ໄຂມັນດີຫລຸດລົງ.

6. ກຸ່ມອາການເມຕາບໍລິກ ເຊັ່ນ : ຕຸ້ຍລົງພຸງ, ພະຍາດໄຂມັນໃນເລືອດສູງ, ຄວາມດັນເລືອດສູງ, ພະຍາດເບົາຫວານຊະນິດທີ 2, ຄວາມຈື່ຈຳເສື່ອມ, ພະຍາດມະເຮັງ, ເກີດມີຖົງນຳ້ໃນຮັງໄຂ່ ເປັນຕົ້ນ.

7. ຄວາມຜິດປົກກະຕິທາງຜິວໜັງ ເຊັ່ນ : ບໍລິເວນກ້ອງຂີ້ແຮ້, ຂາໜີບ ເກີດມີຜື່ນຄັນ, ມີເຊື້ອລາໄດ້ງ່າຍ.

8. ດ້ານຈິດໃຈ ແລະ ສັງຄົມ ເຊັ່ນ : ອາການຊຶມເສົ້າ, ເຄັ່ງຄຽດ, ບໍ່ກ້າສະແດງອອກ.

9. ຄວາມສ່ຽງຕໍ່ການເຕີຍໃຫຍ່ ເປັນຜູ້ໃຫຍ່ທີ່ເປັນພະຍາດຕຸ້ຍ.

10. ມະເຮັງ ເຊັ່ນ : ມະເຮັງຕັບ, ມະເຮັງໝາກໄຂ່ຫລັງ, ມະເຮັງເຕົ້ານົມ, ມະເຮັງມົດລູກ, ມະເຮັງປອດ ເປັນຕົ້ນ.

ດັ່ງນັ້ນ ເມື່ອຮູ້ເຖິງຜົນກະທົບທີ່ບໍ່ດີຂອງການປ່ອຍໃຫ້ລູກເປັນເດັກນ້ອຍຕຸ້ຍແບບນີ້ແລ້ວ ພໍ່ແມ່ຜູ້ປົກຄອງຄວນຫັນມາເອົາໃຈໃສ່ລູກໃນເລື່ອງຂອງອາຫານການກິນ,  ກິນໃຫ້ຄົບ 5 ໝວດ ແລະ ເລືອກແຕ່ອາຫານທີ່ມີປະໂຫຍດ ປາສະຈາກໄຂມັນ, ແປ້ງ ແລະ ນຳ້ຕານ. ເລືອກເຄື່ອງດື່ມທີ່ບໍ່ມີນຳ້ຕານ ແລະ ຄຣີມທຽມ, ງົດການໃຫ້ດື່ມນຳ້ອັດລົມ ແລ້ວປ່ຽນມາເປັນນຳ້ໝາກໄມ້ ຫລື ນຳ້ດື່ມບໍລິສຸດແທນ. ນອກຈາກນີ້, ຄວນພາລູກໝັ່ນອອກກຳລັງກາຍ ຫລື ເຮັດກິດຈະກຳທີ່ໄດ້ອອກແຮງງານເປັນປະຈຳ ເພື່ອເຜົາຜານໄຂມັນສ່ວນເກີນ.