ແມນຢູ ຍອມຈ່າຍ 10 ລ້ານປອນໃຫ້ ແມັກໄກວ ຍ້າຍອອກຈາກທີມ

ແມນເຊສເຕີ ຢູໄນເຕັດ ຈະຕ້ອງຈ່າຍເງິນຈຳນວນ 10 ລ້ານປອນໃຫ້ ແຮຣີ ແມັກໄກວ ກອງຫລັງທີມຊາດອັງກິດ ຫາກນັກເຕະຍອມອຳລາຖິ່ນ ໂອນ ແທຣຟຟອດ ໃນຕະຫລາດນັກເຕະລະດູການນີ້.

ໂດຍ ແມັກໄກວ ກາຍເປັນກອງຫລັງຕົວສຳຮອງໃນຍຸກຂອງ ເອຣິກ ເທນ ຮາກ ເຊິ່ງວາງ ຣາຟາເອລ ວາຣານ ແລະ ລິຊານໂດຣ ມາຕີເນສ ເປັນ 2 ກອງຫລັງຕົວຈິງ ຫລັງຈາກທີ່ ແມັກໄກວ ສ້າງຜົນງານຢ່າງໜ້າຜິດຫວັງໃນໄລຍະຜ່ານມາ ຈົນມືຊື່ຢູ່ໃນບັນຊີທີ່ຈະຖືກປ່ອຍຕົວໃນຕະຫລາດນັກເຕະໜ້າຮ້ອນນີ້.

ກ່ອນໜ້ານີ້ ເທນ ຮາກ ອອກມາໃຫ້ສຳພາດເຖິງອະນາຄົດຂອງ ແມັກໄກວ ກັບແມນຢູ ວ່າ : ຢາກຈະໃຫ້ກອງຫລັງທີມຊາດອັງກິດລາຍນີ້ຢູ່ກັບທີມຕໍ່ໄປ ແຕ່ຕ້ອງຢູ່ທີ່ການຕັດສິນໃຈຂອງນັກເຕະນຳ.

ຫລ້າສຸດ Daily mail ລະບຸວ່າ ແມນຢູ ມີຄວາມຕ້ອງການທີ່ຈະປ່ອຍນັກເຕະ ເຊິ່ງຄາດວ່າມີມູນຄ່າປະເມີນໃນປັດຈຸບັນຢູ່ທີ່ 30 ລ້ານປອນ ອອກຈາກທີມໃນຕະຫລາດລະດູການນີ້.

ແນວໃດກໍຕາມຈາກທີ່ດາວເຕະອາຍຸ 30 ປີລາຍນີ້ຍັງມີສັນຍາກັບທີມອີກ 2 ປີ ພ້ອມຮັບຄ່າເມື່ອຍຢູ່ທີ່ 190,000 ປອນ/ອາທິດ ເຊິ່ງຄາດວ່ານັກເຕະໜ້າຈະໄດ້ຮັບຄ່າເມື່ອຍພຽງເຄິ່ງດຽວກັບວ່າທີ່ທີມໃຫມ່ ເຮັດໃຫ້ແມນຢູ ຈະຕ້ອງຈ່າຍເງິນຈຳນວນ 10 ລ້ານປອນ ເພື່ອເປັນການຊົດເຊີຍເລື່ອງຄ່າເມື່ອຍໃນການໃຫ້ ແມັກໄກວ ຍ້າຍອອກຈາກທີມ.