ເຮືອບິນໂດຍສານລຳທຳອິດທີ່ຜະລິດໃນຈີນ ເປີດໃຫ້ບໍລິການແລ້ວ ສາມາດບິນໄກເຖິງ 5.500 ກິໂລແມັດ
May 30, 2023 - 9:15 AM
ສຳນັກຂ່າວຕ່າງປະເທດລາຍງານ: ວັນທີ 28 ພຶດສະພາ 2023 ຜ່ານມາ, ສາຍການບິນ ໄຊນາ ອິດສເທິນ ແອຣ໌ລາຍ ໄດ້ເປີດບໍລິການຄັ້ງທໍາອິດສໍາລັບຖ້ຽວບິນຜູ້ໂດຍສານ MU9191 ຈາກສະໜາມບິນສາກົນ ຊຽງໄຮ້ ໄປຍັງ ສະໜາມບິນສາກົນ ປັກກິ່ງ ສປ ຈີນ, ທີ່ສາມາດບັນຈຸຜູ້ໂດຍສານ 164 ຄົນ ແລະ ສາມາດບິນໄກເຖິງ 5,500 ກິໂລແມັດ.
C919 ເປັນເຮືອບິນທີ່ຜະລິດໂດຍ ບໍລິສັດການບິນແຫ່ງປະເທດຈີນ Commercial Aircraft Corporation of China (COMAC) ທີ່ໄດ້ຮັບການສະໜັບສະໜູນຈາກລັດຖະບານ ໃນການພັດທະນາເຮືອນບິນດັ່ງກ່າວມາຫຼາຍປີ ເພື່ອແຂ່ງຂັນກັບແອຣ໌ບັດຈາກບັນດາປະເທດໃນຢູໂຣບ ແລະ ໂບອິ້ງ ໃນອາເມຣິກາ. ປັດຈຸບັນ, C919 ມີຍອດສັ່ງຊື້ແລ້ວ 1.200 ລໍາ ແລະ ແຕ່ນີ້ຫາທ້າຍປີ ມີລູກຄ້າສັ່ງຈອງຕື່ມອີກ 32 ບໍລິສັດ.
