ຈະຫລວດ Falcon 9 ໃນໂຄງການ SpaceX ລົງຈອດແບບບໍ່ລະເບີດໄດ້ແລ້ວ
SpaceX ສຸດຍອດໂຄງການ ທີ່ຈະພາມະນຸດໄປຕັ້ງຖິ່ນຖານເທິງດາວອັງຄານ ຫາກຟັງຜ່ານໆ ອາດຈະເບິ່ງເປັນການເພີ້ຝັນ ແຕ່ຮູ້ຫຼືບໍ່ວ່າ ໂຄງການນີ້ປະສົບຜົນສໍາເລັດກ້າວທໍາອິດແລ້ວໃນການນໍາຈະຫລວດ Falcon ທີ່ສົ່ງອອກໄປນອກໂລກ ກັບລົງມາຈອດບົນຜິວໂລກ ເພື່ອນໍາມາໃຊ້ອີກຄັ້ງ ເຊິ່ງນັ້ນບໍ່ແມ່ນເລື່ອງ່າຍ.
ຈະເຫັນໄດ້ວ່າ ກວ່າທີ່ຈະຫລວດ Falcon ຈະລົງຈອດສໍາເລດນັ້ນ (ບໍ່ລະເບີດ) ໃຊ້ເວລາຫຼາຍປີ ແຕ່ນີ້ເປັນພຽງແຕ່ບາດກ້າວທໍາອິດຂອງໂຄງການ SpaceX ເທົ່ານັ້ນ ຍັງເຫຼືອອີກຫຼາຍສ່ວນທີ່ຍັງບໍ່ໄດ້ເຮັດການທົດສອບ ແລະ ຫາກໂຄງການນີ້ສໍາເລັດ ດາວອັງຄານອາດຈະເປັນເຮືອນຫຼັງໃຫມ່ຂອງມວນມະນຸດຊາດ ເໜືອນກັບໜັງ ແນວອະວະກາດຫຼາຍໆເລື່ອງ.
Falcon 9 ຄືຊື່ຈະຫລວດ ໃນໂຄງການ SpaceX ມີຄວາມສູງເຖິງ 70 ແມັດ, ເສັ້ນຜ່ານສູນກາງກວ້າງ 3,7 ແມັດ, ຮູບຊົງກະບອກ ແຍກອອກເປັນ 2 ສ່ວນຄື: ສ່ວນຫົວ ທີ່ໃຊ້ສໍາລັບຂົນສົ່ງ ຮັບນໍ້າໜັກໄດ້ປະມານ 4.020 ກິໂລກຣາມ, ຈົນເຖິງ 22.800 ກິໂລກຣາມ (ຂຶ້ນຢູ່ກັບໄລຍະທາງ) ແລະ ສ່ວນທ້າຍ ເມື່ອສົ່ງເຖິງຍັງຈຸດທີ່ກໍານົດ ຈະແຍກຕົວອອກຈາກສ່ວນຫົວ ແລະ ກັບມາບົນພື້ນໂລກ ເພື່ອກຽມການໃຊ້ອີກຄັ້ງ.
