ທຫລ ແລະ IMF ສໍາມະນາວິທີການຄາດຄະເນອັດຕາເງິນເຟີ້ຂອງ ສປປ ລາວ

ທະນາຄານແຫ່ງ ສປປ ລາວ (ທຫລ) ຮ່ວມກັບອົງການຈັດຕັ້ງສາກົນ IMF ໄດ້ຈັດກອງປະຊຸມສໍາມະນາດ້ານວິຊາການໃນຫົວຂໍ້ວິທີການຄາດຄະເນອັດຕາເງິນເຟີ້ຂອງ ສປປ ລາວ ໃນວັນທີ 26 ພຶດສະພາ 2023, ເຂົ້າຮ່ວມໂດຍ ທ່ານ ບຸນເຫລືອ ສິນໄຊວໍຣະວົງ ຜູ້ວ່າການທະນາຄານແຫ່ງ ສປປ ລາວ ແລະ ມີນັກວິທະຍາກອນບັນຍາຍວິທີການຄາດຄະເນເງິນເຟີ້ ຕາງໜ້າອົງການຈັດຕັ້ງສາກົນ IMF ໂດຍ ທ່ານ Alasdair Scott, ຫົວໜ້າຄະນະປະເມີນເສດຖະກິດມະຫາພາກຂອງ ສປປ ລາວ ພ້ອມນີ້ມີຜູ້ເຂົ້າຮ່ວມຈາກພາກສ່ວນຕ່າງທີເປັນທັງຜູ້ຄິດໄລ່ ແລະ ຜູ້ຊົມໃຊ້ຂໍ້ມູນ ອັດຕາເງິນເຟີ້ຂອງ ສປປ ລາວ ພ້ອມທັງອົງການຈັດຕັ້ງສາກົນ ໂດຍສະເພາະແມ່ນຜູ້ຕາງໜ້າຈາກ ທະນາຄານໂລກ (WB) ແລະ ອົງການ JICA.

ເພື່ອແລກປ່ຽນວິທີການ, ເຕັກນິກ ນໍາໃຊ້ເຂົ້າໃນການຄາດຄະເນອັດຕາເງິນເຟີ້ຂອງ ສປປ ລາວ ລະຫວ່າງ ທຫລ ແລະ ອົງການຈັດຕັ້ງສາກົນ. ໂດຍຜ່ານການປຶກສາຫາລື ແລະ ແລກປ່ຽນຄຳຄິດເຫັນລະຫວ່າງ ທຫລ ແລະ ອົງການຈັດຕັ້ງສາກົນ ເຊິ່ງເຫັນວ່າມີຄວາມສຳຄັນ ແລະ ເປັນປະໂຫຍດຫລາຍສຳລັບນັກສຳມະນາກອນ ໃນການຮຽນຮູ້ ແລະ ເຂົ້າໃຈ ນຳໄປໝູນໃຊ້, ດັດປັບໃຫ້ເຂົ້າກັບວຽກງານຕົວຈິງ.