ເຈົ້າໜ້າທີ່ໄທ ບຸກທຳລາຍແຫລ່ງແຊ່ສານຟໍມາຣິນ-ໂຊດາໄຟ ຢຶດສິນຄ້າຫລາຍກວ່າ 1.200 ກິໂລກຣາມ

ວັນທີ 26 ພຶດສະພາ 2023 ຜ່ານມາ, ມີການລັກລອບນຳເຂົ້າຊາກສັດແບບຜິດກົດໝາຍໃນພື້ນທີ່ ອຳເພີ ພານທອງ ຈັງຫວັດຊົນບູຣີ ປະເທດໄທ ເມື່ອເຈົ້າໜ້າທີ່ລົງໄປກວດພົບວ່າ ມີການຈົດທະບຽນເປັນຫຸ້ນສ່ວນຈຳກັດ ຜະລິດໄສ້ຕັນ ປາໝຶກແດງກອບ, ຍໍ່ຂາວສົ່ງຂາຍຮ້ານຊີ້ນດາດໃນພື້ນທີ່ຈັງຫວັດຊົນບູຣີ ແລະ ຈັງຫວັດໃກ້ຄຽງ, ໃນນັ້ນມີ ໄສ້ຕັນ 39 ກ່ອງ ນ້ຳໜັກ 500 ກິໂລກຣາມ, ໄສ້ຕັນແປຮູບແຊ່ສານໂຊດາໄຟ ແລະ ສານຟໍມາຣິນ 1 ຖັງ ນ້ຳໜັກ 200 ກິໂລກຣາມ, ຍໍ່ຂາວ ແຊ່ສານໂຊດາໄຟ ແລະ ສານຟໍມາຣິນ 2 ຖັງ ນ້ຳໜັກ 400 ກິໂລກຣາມ ແລະ ປາມຶກແດງແຊ່ສານຟໍມາຣິນ 1 ຖັງ ນ້ຳໜັກ 100 ກິໂລກຣາມ.

ດັ່ງນັ້ນ ເຈົ້າໜ້າທີ່ ຈຶ່ງໄດ້ຢຶດ ແລະ ອາຢັດສິນຄ້າຫລາຍກວ່າ 1.200 ກິໂລກຣາມ.