ຈໍດີ້ ອັລບາ ຍົກເລີກສັນຍາບາເຊໂລນາຫລັງຈົບລະດູການນີ້ ຫລັງຢູ່ມາດົນເຖິງ 11 ປີ

ຈໍດີ້ ອັລບາ ກອງຫລັງດີກຣີທີມຊາດສະເປນ ເປັນນັກເຕະຮຸ່ນໃຫຍ່ອີກຄົນຫນຶ່ງທີ່ຈະອຳລາ ບາເຊໂລນາ ທີມແຫ່ງ ລາ ລີກາ ເມື່ອຈົບລະດູການນີ້ ຫລັງເຈົ້າລາວຕົກລົງຍົກເລີກສັນຍາກັບຕົ້ນສັງກັດເປັນທີ່ຮຽບຮ້ອຍແລ້ວ.

ຖະແຫລງການຈາກບາເຊໂລນາລະບຸວ່າ : ບາເຊໂລນາ ຢາກສະແດງຄວາມຮູ້ສຶກຂອບໃຈຕໍ່ ອັລບາ ແລະ ຂໍ້ໃຫ້າວພົບຄວາມໂຊກດີໃນອະນາຄົດຕໍ່ໄປ ບາເຊໂລນາ ຈະເປັນບ້ານສຳລັບເຈົ້າສະເຫມີ.

ອັລບາ ອາຍຸ 3 ປີ ຍ້າຍຈາກ ບາເລນເຊຍ ທີມໃນສະເປນ ມາຢູ່ກັບ ບາເຊໂລນາ ເມື່ອປີ 2012 ກ່ອນເປັນກຳລັງສຳຄັນຊ່ວຍໃຫ້ຕົ້ນສັງກັດປັດຈຸບັນຄວ້າແຊ໊ມ ລາ ລີກາ 6 ສະໄຫມ, ໂກປາ ເດລ ເຣ 5 ສະໄຫມ ແລະ ຢູຟາ ແຊ໊ມປຽນ ລີກ 1 ສະໄຫມ.

ນອກຈາກ ອັລບາ ແລ້ວ ເຊຄີໂອ ບຸສເກສ ກອງກາງຫົວໜ້າທີມກໍເປັນອີກນັກເຕະທີ່ກຽມແຍກທາງກັບສະໂມສອນເຊັ່ນດຽວກັນ ໂດຍຕອນນີ້ ບາເຊໂລນາ ຕ້ອງເລັ່ງປັບປຸງທີມເປັນການດ່ວນ ເພື່ອຈະໄດ້ບໍ່ຜິດກົດການເງິນຂອງ ລາ ລີກາ.