ລີເວີພູລ-ອາເຊນອລ ອາດຜິດຫວັງ, ຫລັງ ເມສັນ ເມົ້າ ເລືອກຍ້າຍຮ່ວມທີມແມນຢູ

ສື່ລາຍງານວ່າ ເມສັນ ເມົ້າ ກອງກາງ ເຊລຊີ ພວມໃຫ້ຄວາມສົນໃຈໃນການຍ້າຍໄປຫລິ້ນກັບ ແມນເຊສເຕີ ຢູໄນເຕັດ ຫາກ ເຊລຊີ ພ້ອມຕົກລົງຂາຍ ເຖິງວ່າ ລີເວີພູລ ແລະ ອາເຊນອລ ໃຫ້ຄວາມສົນໃຈ ໂດຍຄາດວ່າມີຄ່າຕົວຢູ່ທີ່ 70 ລ້ານປອນ.

ສຳລັບ ເມົ້າ ພວມຈະຫມົດສັນຍາກັບ ເຊລຊີ ຫລັງຈົບລະດູການນີ້ ແຕ່ຍັງບໍ່ມີການຂະຫຍາຍສັນຍາອອກໄປ ເຖິງວ່າສະໂມສອນຈະເຈລະຈາໃນເລື່ອງນີ້ແລ້ວກໍຕາມ ເຮັດໃຫ້ລາວມີຂ່າວເຊື່ອມໂຍງກັບຫລາຍທີມທີ່ສົນໃຈເຊັນສັນຍາໄປຮ່ວມທີມ ທັງ ລີເວີພູລ, ອາເຊນອລ ແລະ ຫລ້າສຸດຄື ແມນເຊສເຕີ ຢູໄນເຕັດ.

ຫລ້າສຸດ The Athletic ສື່ຊັ້ນນຳລະບຸວ່າ ເມົ້າ ມີຄວາມສົນໃຈໃນການເລືອກທີ່ຈະຍ້າຍໄປຫລິ້ນໃຫ້ກັບ ແມນຢູ ຫລາຍທີ່ສຸດ ຫາກ ເຊລຊີ ຕົກລົງທີ່ປ່ອຍຕົວລາວ ຄາດວ່າການເຈລະຈາລະຫວ່າງທັງສອງສະໂມສອນຈະເກີດຂຶ້ນໄວໆນີ້ ຂະນະທີ່ ລີເວີພູລ ແລະ ອາເຊນອລ ກຕ່າງຮູ້ດີເຖິງຄວາມຕ້ອງການດັ່ງກ່າວຂອງນັກເຕະອາຍຸ 24 ປີລາຍນີ້.

ຂະນະທີ່ The Times  ລາຍງານເພີ່ມອີກວ່າ ແມນຢູ ກຽມຍື່ນຂໍ້ສະເໜີລ່ວງໜ້າເພື່ອເຊັນສັນຍາກັບ ເມົ້າ ເຊິ່ງຄາດວ່າຈະມີຄ່າຕົວຢູ່ທີ່ 70 ລ້ານປອນ.