ເຈລະຈາເຄືອບໜ້າ ແມນຢູ ໃກ້ບັນລຸ ສັນຍາສະບັບໃໝ່ ດີໂອໂກ ດາໂລ

ແບັກຂວາຊາວປອກຕຸຍການມີສັນຍາກັບຜີສາດແດງເຖິງປີ 2024 ແລະ ຫາກໍ່ໄດ້ໃຊ້ທາງເລືອກຂະຫຍາຍສັນຍາອອກໄປອີກ 1 ປີ, ຢ່າງໃດກໍ່ຕາມສະໂມສອນຢາກຍັງຕ້ອງການທີ່ຈະຂະຫຍາຍສັນຍາຕໍ່ໄປອີກໄລຍະຍາວ.

ດາໂລ ສ້າງຜົນງານໄດ້ເປັນທີ່ພໍໃຈໃນລະດູການນີ້ ໂດຍລົງສະໜາມໄປແລ້ວ 41 ນັດ ຍິງໄດ້ 2 ປະຕູ ແລະ 3 ແອສຊິສ ພ້ອມທັງສາມາດຍ້າຍໄປຮັບໜ້າທີ່ຄຸມຊ້າຍຈຳເປັນໄດ້ຕາມຄວາມຕ້ອງການ ເຮັດໃຫ້ ເອຣິກ ເທນຮາກ ຕ້ອງການໃຫ້ເຂົາເປັນສ່ວນໜຶ່ງຂອງ ແຜນການສ້າງທີມໄລຍະຍາວ.

ໂດຍ ຟາບຣິຊິໂອ ໂຣມາໂນ ນັກຂ່າວສື່ດັງຂອງວົງການບານເຕະຄົນດັງເປີດເຜີຍວ່າ ຢູໄນເຕັດ ກໍາລັງມີຄວາມຄືບໜ້າທີ່ດີໃນການເຈລະຈາສັນຍາສະບັບໃໝ່ກັບ ດາໂລ ແລະ ອາດຈະໄດ້ສຳເລັດໃນໄວໆນີ້.