ເມືອງປາກຊັນກະກຽມງານບຸນຊ່ວງເຮືອອອກພັນສາປະວໍລະນາປະຈຳປີ 2017
ໃນວັນທີ 14 ກັນຍານີ້, ຢູ່ ຫ້ອງປະຊຸມຫ້ອງວ່າການປົກ ຄອງເມືອງປາກຊັນໄດ້ມີກອງ ປະຊຸມປຶກສາຫາລື ແລະ ຫ້າງ ຫາກະກຽມງານບຸນຊ່ວງເຮືອ ປະເພນີໃນໂອກາດບຸນອອກພັນ ສາປະວໍລະນາ 2560 ໃຫ້ມີບັນ ຍາກາດຟົດຟື້ນໂດຍການເຂົ້າ ຮ່ວມຂອງທ່ານ ບຸນມາ ບຸຈະ ເລີນ ຮອງເຈົ້າແຂວງບໍລິຄຳໄຊ.
+ ບຸນຊ່ວງເຮືອ ເມືອງມໍລະດົກໂລກຫຼວງພະບາງ ປີນີ້ຍັງຄົງຮັກສາໄດ້ຮີດຄອງປະເພນີອັນດີງາມຂອງທ້ອງຖິ່ນ
ທ່ານ ສົມພອນ ຄຳປານິສົງ ຮອງເຈົ້າເມືອງປາກຊັນໄດ້ຜ່ານ ຮ່າງຂໍ້ຕົກລົງຂອງທ່ານເຈົ້າ ແຂວງບໍລິຄຳໄຊວ່າດ້ວຍການ ແຕ່ງຕັ້ງປະທານກິຕິມະສັກ ແລະ ປະທານຈັດງານບຸນອອກພັນ ສາປີນີ້ໂດຍສະເພາະການຈັດ ງານບຸນຊ່ວງເຮືອປະເພນີປະ ຈຳປີ ເຊິ່ງເປັນກິດຈະກຳໜຶ່ງທີ່ ປະຊາຊົນລາວກໍຄືຊາວແຂວງ ບໍລິຄຳໄຊ ເຄີຍໄດ້ຈັດຕັ້ງປະຕິ ບັດກັນມາທຸກໆປີ, ທັງນີ້ກໍເພື່ອ ຮັກສາໄວ້ຂະນົບທຳນຽມ, ຮີດ ຄອງປະເພນີອັນດີງາມຂອງ ຊາດກໍຄືທ້ອງຖິ່ນ ແລະ ກໍເປັນ ງານບຸນໜຶ່ງໃນຮີດ 12 ຂອງ ຊາດລາວ.
ທັງເປັນການສ້າງໂອກາດ ໃຫ້ປະຊາຊົນໄດ້ພົບປະສ້າງສັນ ຜູກພັນຄວາມສາມັກຄີຮັກແພງ ເຊິ່ງກັນ ແລະ ກັນພ້ອມທັງເປັນ ງານສະແດງຜົນຜະລິດຂອງປະຊາຊົນໃຫ້ຫລາຍສີສັນພ້ອມ ສົ່ງເສີມໃຫ້ງານບຸນປະເພນີດັ່ງ ກ່າວເປັນຈຸດດຶງດູດການທ່ອງ ທ່ຽວຂອງທ້ອງຖິ່ນໃຫ້ມີບັນຍາ ກາດຟົດຟື້ນຍິ່ງຂຶ້ນ.
ໃນກອງປະຊຸມຍັງໄດ້ປຶກ ສາຫາລືການລະດົມເຮືອຊ່ວງ ຂອງແຕ່ລະບ້ານໃນເທສະ ບານແຂວງ ແລະ ເມືອງຕ່າງໆ ເຂົ້າຮ່ວມແຂ່ງຂັນໃຫ້ມີຄວາມ ເບີກບານມ່ວນຊື່ນ.
