ປະທານສະຫະພັນບານເຕະອິນໂດເນເຊຍ ບໍ່ລົງໂທດນັກເຕະ ແລະ ຜູ້ຊ່ວຍຄູຝຶກ ທີ່ກໍ່ເຫດໃນນັດຊີງຊີເກມ

ເອຣິກ ໂທເຮຍ ປະທານສະຫະພັນບານເຕະອິນໂດເນເຊຍ (PSSU) ຢືນຢັນວ່າຈະບໍ່ມີການລົງໂທດນັກເຕະທີມຊາດອິນໂດເນເຊຍ ທີ່ໄດ້ເຮັດໃຫ້ເກີດມີເຫດການຕີກັນ ໃນການແຂ່ງຂັນກິລາບານເຕະຊາຍ ຊີເກມ ຮອບຊີງຊະນະເລີດ ເຊິ່ງຜົນການແຂ່ງຂັນ ອິນໂດເນເຊຍ ເອົາຊະນະ ທີມຊາດໄທ ໃນຊ່ວງຕໍ່ເວລາພິເສດ 5-2

ເຫດການນີ້ເຮັດໃຫ້ທີມຊາດໄທປະກາດລົງໂທດຜູ້ຊ່ວຍຄູຝຶກທີ່ກໍ່ເຫດ ຫ້າມປະຕິບັດໜ້າທີ່ 1 ປີ ແລະ ຫ້າມ ໂສພາວິດ ຣັກຍາດ ກັບ ທີພັກດີ ເປຣືອງນາ ນັກເຕະທີ່ກໍ່ເຫດ 1 ປີ ລວມທັງສະໂມສອນ ບູຣີຣຳ ຢູໄນເຕັດ ຕົ້ນສັງກັດ ກໍໄດ້ສັ່ງຫ້າມ ທີພັກດີ ເພີ່ມອີກເຊັ່ນກັນ.

ຢ່າງໃດກໍ່ຕາມ, ສໍາລັບທີມຊາດອິນໂດເນເຊຍ ປະທານ​ສະຫະພັນ​ບານ​ເຕະ​ອິນ​ໂດ​ເນ​ເຊຍ​ຢືນຢັນ​ວ່າ​ຈະ​ບໍ່​ມີ​ການ​ລົງ​ໂທດ.

“ເປັນຫຍັງພວກເຮົາຕ້ອງເຂົ້າໄປແຊກແຊງເລື່ອງນີ້? ເປັນຫຍັງພວກເຮົາຕ້ອງລົງໂທດທີມເຮົາ? ແຕ່ແນ່ນອນວ່າພວກເຮົາຈະແກ້ໄຂມັນ ການຍົ່ວຍຸແມ່ນສິ່ງທີ່ສາມາດເກີດຂຶ້ນໄດ້ ພຽງແຕ່ພວກເຮົາບໍ່ເຮັດໃຫ້ມັນເກີນຂອບເຂດ” ລາວໄດ້ໃຫ້ສຳພາດກັບ CNN Indonesia.