ກົມຄຸ້ມຄອງໜີ້ສິນສາທາລະນະ ດຳເນີນຮ່ວມຊີວິດພັກ ແລະ ເປີດບັ້ນແຂ່ງຂັນ-ຍ້ອງຍໍ້, ຮັກຊາດ ແລະ ພັດທະນາ

ໃນວັນທີ 23 ພຶດສະພາ 2023, ໜ່ວຍພັກກົມຄຸ້ມຄອງໜີ້ສິນສາທາລະນະ ໄດ້ເປີດກອງປະຊຸມຮ່ວມຊີວິດປະຈຳເດືອນພຶດສະພາປີ 2023 ແລະ ທິດທາງແຜນການເຄື່ອນໄຫວປະຈຳເດືອນປະຈຳເດືອນມິຖຸນາປີ 2023, ພ້ອມທັງເປີດຂະບວນການແຂ່ງຂັນ-ຍ້ອງຍໍ້, ຮັກຊາດ ແລະ ພັດທະນາ ປະຈໍາປີ 2023-2025 ຂອງກົມຄຸ້ມຄອງໜີ້ສິນສາທາລະນະ, ເປັນປະທານຂອງສະຫາຍ ສຸລິວັດ ສຸວັນນະຈູມຄຳ ເລຂາໜ່ວຍພັກ, ຫົວໜ້າກົມຄຸ້ມຄອງໜີ້ສິນສາທາລະນະ ກະຊວງການເງິນ.

ໃນກອງປະຊຸມ, ໄດ້ຮັບຟັງການເຜີຍແຜ່-ເຊື່ອມຊຶມມະຕິກອງປະຊຸມໃຫຍ່ຄັ້ງທີ XI ຂອງພັກປະຊາຊົນປະຕິວັດລາວ, ກົດລະບຽບລະບຽບຂອງພັກ  ປະຊາຊົນປະຕິບັດລາວ ສະໄໝທີ XI, ມະຕິຄົບຄະນະບໍລິຫານງານຳພັກ ຄັ້ງທີ 7 ສະໄໝທີ III ຂອງອົງຄະນະພັກກະຊວງການເງິນ. ພ້ອມນັ້ນ, ຍັງໄດ້ຜ່ານບົດສະຫລຸບແຜນການເຄື່ອນໄຫວວຽກພັກຂອງກົມຄຸ້ມຄອງໜີ້ສິນສາທາລະນາເດືອນພຶດສະພາ ແລະ ທິດທາງແຜນການປີເຄື່ອນໄຫວເດືອນມີຖຸນາປີ 2023 ເປັນຕົ້ນ: ການສະຫລຸບຕີລາຄາວຽກງານກໍ່ສ້າງພັກ,  ການຈັດຕັ້ງປະຕິບັດພາລະບົດບາດຂອງຕົນ, ວຽກງານການເມືອງ–ແນວຄິດ, ຊຶ່ງຄະນະໜ່ວຍພັກກົມໄດ້ເອົາໃຈໃສ່ສຶກສາອົບຮົມການເມືອງແນວຄິດເປັນບັນຫາສໍາຄັນ ແລະ ປະຕິບັດຢ່າງເປັນປົກກະຕິ ແລະ ເລິກເຊິ່ງ, ໂດຍສະເພາະໃນການດຳເນີນຊີວິດການເມືອງພາຍໃນໜ່ວຍພັກ, ເພື່ອເປັນການສຶກສາອົບຮົມ, ຕຳນິສົ່ງຂ່າວ, ຊ່ວຍເຫລືອ ແລະ ກໍ່ສ້າງເຊິ່ງກັນ ແລະ ກັນ.

ສ່ວນວຽກງານວິຊາສະເພາະວຽກງານຄຸ້ມຄອງບໍລິຫານໜີ້ສິນວຽກງານຄຸ້ມຄອງການກູ້ຢືມຕໍ່ ແລະ ການຄໍ້າປະກັນວຽກງານແຜນການ ແລະ ການປະເມີນຜົນ. ວຽກງານຄຸ້ມຄອງໂຄງການ, ການປະຕິບັດຫລັກການລວມສູນປະຊາທິປະໄຕ, ລະບອບປະຊຸມສ່ອງແສງ, ການຈັດຕັ້ງຜັນຂະຫຍາຍບັນດາມະຕິ, ຄໍາສັ່ງ ແລະ ເອກະສານສໍາຄັນຂອງຂັ້ນເທິງ  ການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ.

ສຳລັບທິດທາງແຜນການເດືອນມີຖຸນາປີ 2023 ວຽກງານກໍ່ສ້າງພັກ, ສືບຕໍ່ສຶກສາອົບຮົມດ້ານການເມືອງ–ແນວຄິດຂອງສະມາຊິກພັກ ແລະ ພະນັກງານພາຍໃນກົມໃຫ້ປົກກະຕິເພື່ອໃຫ້ມີຄວາມໜັກແໜ້ນ, ເຂັ້ມແຂງ, ມີຄວາມສະຫງົບອຸ່ນອ່ຽນຕໍ່ໜ້າທີ່ວຽກງານ, ເຊື່ອມຊຶມຕໍ່ແນວທາງນະໂຍບາຍ,   ກົດລະບຽບຂອງພັກ ແລະ ກົດໝາຍຂອງລັດ; ປຶກສາຫາລື ແລະ ຊີ້ນໍາ ກ່ຽວກັບແຜນການດໍາເນີນງານລະອຽດຂອງວຽກພັກ ແລະ ວຽກລັດຂອງກົມເປັນອາທິດ, ເດືອນ ແລະ ງວດ; ສືບຕໍ່ສ້າງແຜນຈັດຕັ້ງປະຕິບັດລະອຽດເພື່ອຜັນຂະຫຍາຍແຜນກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນຂອງໜ່ວຍພັກ ປະຈຳ ປີ 2023; ວຽກງານພະນັກງານ ສືບຕໍ່ຂຶ້ນແຜນສ້າງບໍາລຸງຍົກລະດັບຄວາມຮູ້ຄວາມສາມາດຂອງພະນັກງານ ໂດຍການຊຸກຍູ້ໃຫ້ພະນັກງານໄປຍົກລະດັບວິຊາສະເພາະໃດໜຶ່ງທີ່ຕິດພັນກັບຄວາມຮັບຜິດຊອບຂອງຕົນ, ຈັດແບ່ງໜ້າທີ່ ແລະ ຄວາມຮັບຜິດຊອບວຽກງານໜ້າທີ່ໃຫ້ພະນັກງານແຕ່ລະຄົນ ຕາມລະດັບຄວາມຮູ້ຄວາມສາມາດທີ່ມີຢູ່.ວຽກງານປັບປຸງກົງຈັກການຈັດຕັ້ງ ວິທີຈັດຕັ້ງປະຕິບັດ.; ມອບໃຫ້ແຕ່ລະພະແນກຕ້ອງຕິດຕາມການປະຕິບັດວຽກງານຂອງພະນັກງານພາຍໃນພະແນກຂອງຕົນເພື່ອເປັນບ່ອນອີງໃນການຕິລາຄາ ແລະ ປະເມີນຜົນງານຂອງພະນັກງານໃນແຕ່ລະໄລຍະ; ກວດກາຄືນການຈັດຕັ້ງປະຕິບັດວຽກງານການກໍ່ສ້າງໜ່ວຍພັກ ປອດໃສ, ເຂັ້ມແຂງ, ໜັກແໜ້ນໃນໄລຍະຜ່ານມາໂດຍສະເພາະແມ່ນສັງລວມວຽກງານທີ່ສາມາດຈັດຕັ້ງປະຕິບັດສໍາເລັດ ແລະ ຂໍ້ຄົງຄ້າງ, ເພື່ອເປັນບ່ອນອີງໃນການດໍາເນີນງານໃຫ້ບັນລຸຕາມແຜນການທີ່ວາງໄວ້.

ພ້ອມນີ້, ຍັງໄດ້ເປີດຂະບວນການແຂ່ງຂັນ-ຍ້ອງຍໍ້, ຮັກຊາດ ແລະ ພັດທະນາ ປະຈໍາປີ 2023-2025 ແລະ ບັນດາພະແນກຂອງກົມຄຸ້ມຄອງໜີ້ສິນສາທາລະນະຍັງໄດ້ພ້ອມກັນຈັບມືແຂ່ງຂັນ ນຳອີກດ້ວຍ.