ສະເຕີລິງ ບໍ່ມີຊື່ຕິດທີມຊາດອັງກິດຊຸດຄັດຢູໂຣ 2024
ອັງກິດ ປະກາດລາຍຊື່ທີມຊາດຊຸດຄັດຢູໂຣ 2024 ກັບ ມອລຕາ ແລະ ນອດ ມາຊີໂດເນຍ ໃນເດືອນໜ້າອອກມາຮຽບຮ້ອຍ ໂດຍບໍ່ມີຊື່ຂອງ ຣາຮິມ ສະເຕລິງ ກອງໜ້າຄົນດັງຂອງເຊລຊີ.
ແກເຣັດ ເຊົາເກດ ຜູ້ຈັດການທີມຊາດອັງກິດ ປະກາດລາຍຊື່ 25 ນັກເຕະອັງກິດຊຸດກຽມການແຂ່ງຂັນ ຢູໂຣ 2024 ຮອບຄັດເລືອກ ນັດບຸກໄປຢາມ ມອລຕາ ໃນວັນທີ 16 ມິຖຸນາ ແລະ ເປີດບ້ານຮັບມືກັບ ນອດ ມາຊີໂດເນຍ ໃນວັນທີ 19 ມິຖຸນາ ອອກມາຮຽບຮ້ອຍ ປາກົດວ່າ ຍັງຄົງບໍ່ມີຊື່ຂອງ ຣາຮິມ ສະເຕີລິງ ປີກຄວາມໄວສູງຂອງເຊລຊີ.
ແນວໃດກໍຕາມ ເຊົາເກດ ເປີດເຜີຍວ່າ ການຕັດຊື່ຂອງ ສະເຕີລິງ ອອກຈາກທີມເປັນການຕັດສິນໃຈຮ່ວມກັບນັກເຕະທີ່ຕ້ອງການໃຊ້ເວລາພັກຟື້ນຮ່າງກາຍຢ່າງເຕັມທີ່ໃນໄລຍະລະດູການນີ້ເພື່ອກຽມຄວາມພ້ອມສຳລັບການກັບມາສູ້ໃນລະດູການ 2023/24.
ສ່ວນ ເອເບເຣຊີ ເອເຊ ກອງກາງຂອງ ຄຣິສຕັລ ພາເລດ ຖືກຮຽກມາປະເດີມຕິດທີມຊາດເປັນຄັ້ງທຳອິດ ຫັງສະແດງຜົນງານໃຫ້ຕົ້ນສັງກັດໄດ້ຢ່າງສຸດຍອດ ຂະນະທີ່ ລູອິສ ດັງ ກອງກາງຄົນເກ່ັງຂອງ ໄບຣຕັນ ກໍຖືກຮຽກກັບມາຮັບໃຊ້ຊາດອີກເທື່ອຫນຶ່ງເຊັ່ນດຽວກັນ.
