9 ຂອງກິນດັບຮ້ອນ ກິນແລ້ວດີຕໍ່ສຸຂະພາບ

ປະເທດລາວຖືໄດ້ວ່າເປັນປະເທດໜຶ້່ງທີ່ຢູ່ໃກ້ເສັ້ນສູນສູດ ເຊິ່ງເຮັດໃຫ້ອາກາດບ້ານເຮົາຮ້ອນແຮງໃນຊ່ວງນີ້ ແລະ ເຮັດໃຫ້ເຮົາບໍ່ສະບາຍຕົວ, ນອກນັ້ນຍັງມາພ້ອມກັບພະຍາດຫລາຍຊະນິດທັງທາງກົງ ແລະ ທາງອ້ອມ ເຊັ່ນ:​ ເປັນລົມແດດ, ຖອກທ້ອງ, ແລະ ຍັງເຮັດໃຫ້ເຮົາສູນເສຍນໍ້າໃນຮ່າງກາຍຫລາຍອີກດ້ວຍ

.
ແຕ່ຮູ້ຫລືບໍ່? ນອກຈາກນໍ້າດື່ມທີ່ຊ່ວຍດັບຮ້ອນແລ້ວ ຍັງມີ ຜັກ, ໝາກໄມ້ຫລາຍຊະນິດທີ່ຊ່ວຍດັບຮ້ອນໄດ້ດີເຊັ່ນດຽວກັນ ແລະ ຍັງດີຕໍ່ສຸຂະພາບຂອງເຮົາອີກດ້ວຍ ພວກເຮົາເລີຍນໍາເອົາ 9 ຂອງກິນດັບຮ້ອນ ມາຝາກທຸກທ່ານດັ່ງນີ້:

.

ໝາກໂມ ກິນແບບສົດ ຫລື ເຮັດເມນູນໍ້າ ຊ່ວຍດັບຮ້ອນໃຫ້ຮ່າງກາຍ ເໝາະສໍາລັບຜູ້ທີ່ຕ້ອງການຄຸມນໍ້າໜັກ

.

ນໍ້າໝາກພ້າວ ອອກລິດເຢັນຈຶ່ງຊ່ວຍດັບຮ້ອນໃນຮ່າງກາຍໄດ້ເປັນຢ່າງດີ, ເຕັມໄປດ້ວຍແຮ່ທາດທີ່ຈໍາເປັນຕໍ່ຮ່າງກາຍ, ຊ່ວຍໃຫ້ຜິວພັນຜ່ອງໃສເປັນທໍາມະຊາດ ແລະ ຊ່ວຍສ້າງຄໍລາເຈນ ໃຫ້ຜິວມີຄວາມທົນທານ ຊ່ວຍຢັບຢັ້ງການເກີດຮອຍແຫ່ວເທິງໃບໜ້າ

.

ໝາກໜອດ ຊ່ວຍບໍາລຸງຜິວພັນໃຫ້ສົດໃສ, ຊ່ວຍຢັບຢັ້ງການເກີດຮອຍແຫ່ວເທິງໃບໜ້າ,​ ເສີມສ້າງພູມຄຸ້ມກັນຂອງຮ່າງກາຍໃຫ້ແຂງແຮງ, ບໍາລຸງສາຍຕາ ເພາະອຸດົມໄປດ້ວຍວິຕາມິນເອ ແລະ ເພີ່ມຄວາມສົດຊື່ນໃຫ້ຮ່າງກາຍ

.

ໝາກແຕງ ດັບກະຫາຍໄດ້ດີ, ຫລຸດຄວາມຮ້ອນໃນຮ່າງກາຍ ເຮັດໃຫ້ຮ່າງກາຍສົດຊື່ນ ແລະ ເພີ່ມຄວາມຊຸ່ມແກ່ຜິວ, ປັດຈຸບັນຍັງມີການນໍາເອົາໝາກແຕງໄປເປັນສ່ວນປະກອບໃນເຄື່ອງສໍາອາງ ເພື່ອປ້ອງກັນບໍ່ໃຫ້ຜິວແຫ້ງ

.

ໝາກສີດາສົດ ເປັນໝາກໄມ້ທີ່ມີວິຕາມິນຊີສູງ ເຕັມໄປດ້ວຍສານຕໍ່ຕ້ານອະນຸມູນອິດສະຫລະ, ວິຕາມິນ ແລະ ແຮ່ທາດທີ່ຈໍາເປັນຕໍ່ຮ່າງກາຍ, ຊ່ວຍເສີມສ້າງພູມຕ້ານທານ ແລະ ມີກາກໃຍອາຫານຈໍານວນຫລາຍ ເຊິ່ງເໝາະແກ່ຜູ້ທີ່ຕ້ອງການຄວບຄຸມນໍ້າໜັກ

.
ນໍ້າເກັກຮວຍ ດັບກະຫາຍ ເປັນຢາເຢັນ ຊ່ວຍດັບພິດຮ້ອນ, ເພີ່ມຄວາມສົດຊື່ນ, ຊ່ວຍກໍາຈັດສານພິດອອກຈາກຮ່າງກາຍ, ຊ່ວຍຖ່າຍເທເຫື່ອ, ຂັບໄລ່ລົມ, ປ້ອງກັນການເກີດພະຍາດຫລອດເລືອດຕ່າງໆ

.

ຈັບລ້ຽງ ມາຈາກພາສາຈີນ ທີ່ແປວ່າ ສະໝຸນໄພເຢັນ 10 ຢ່າງ , ຊ່ວຍປ້ອງກັນ ແລະ ບັນເທົາອາການຮ້ອນໃນ ທີ່ເກີດຈາກສະພາວະຮ່າງກາຍບໍ່ສົມດຸນ ເຊັ່ນ: ພັກຜ່ອນບໍ່ພຽງພໍ, ນອນເດິກ ຫລື ກິນແຕ່ອາຫານທີ່ເຮັດໃຫ້ຮ້ອນ, ດື່ມນໍ້າໜ້ອຍ, ມີອາການທາງລະບົບທາງເດີນອາຫານ, ມີບາດແຜໃນປາກ..

.

ນໍ້າໃບເຕີຍ ຈະຊ່ວຍດັບກະຫາຍ ແລະ ຄາຍຮ້ອນໄດ້ດີ ເພາະໃບເຕີຍມີກິ່ນຫອມເຢັນ ດື່ມແລ້ວຈະຮູ້ສຶກສົດຊື່ນ ຜ່ອນຄາຍ, ຊູກໍາລັງ ແກ້ອາການອ່ອນເພຍຂອງຮ່າງກາຍ, ນອກຈາກນີ້ຍັງຊ່ວຍບໍາລຸງຫົວໃຈອີກດ້ວຍ

.
ນໍ້າດື່ມ ສໍາຄັນຕໍ່ຂະບວນການເຮັດວຽກຂອງຮ່າງກາຍເຊັ່ນ: ລ້າງສານພິດ ແລະ ລໍາລຽງອົກຊີແຊນໄປສູ່ແຊນຕ່າງໆ ແລະ ຊ່ວຍໃນການເຜົາຜານແຄລໍຣີ່ນໍາອີກ