ແມນຢູ ໃຊ້ ຄາເຊມິໂຣ ຊ່ວຍເຈລະຈາ ເປແອສເຊ ຂໍຢືມຕົວ ເນມາ

ແມນເຊສເຕີ ຢູໄນເຕັດ ຕົກເປັນຂ່າວວ່າພວມເຈລະຈາກັບ ປາຣີສ  ແຊັງ ແຊັກແມັງ ໃນການຢືມຕົວ ເນມາ ກອງໜ້າທີມຊາດບຣາຊິລມາຮ່ວມທີມໃນລະດູການໜ້າ ໂດຍມີ ຄາເຊມິໂຣ ຊ່ວຍໂນ້ມນ້າວ.

ສຳລັບອະນາຄົດຂອງ ເນມາ ກັບ ເປແອສເຊ ເຕັມໄປດ້ວຍຄວາມບໍ່ແນ່ນອນ ຫລັງຈາກທີ່ລາວຍັງບໍ່ສາມາດສ້າງຜົນງານໄດ້ໜ້າພໍໃຈເມື່ອທຽບກັບຄ່າຕົວລະດັບສະຖິຕິໂລກ 222 ລ້ານຢູໂຣ ເຮັດໃຫ້ມີລາຍງານວ່າ ລາວອາດຖືກປ່ອຍອອກຈາກທີມຫລັງຈົບລະດູການນີ້ ເພື່ອຫລຸດພາລະເລື່ອງຄ່າເມື່ອຍຂອງສະໂມສອນ.

ຫລ້າສຸດ ເລກິບ ສື່ຝຣັ່ງ ເປີດເຜີຍວ່າ ແມນຢູ ພວມມີການເຈລະຈາກັບ ເປແອສເຊ ກ່ຽວກັບການຍ້າຍທີມຂອງດາວເຕະອາຍຸ 31 ປີລາຍນີ້ ເຊິ່ງຂໍ້ຕົກລົງຈະເປັນແບບຢືມຕົວ ແລະ ແມນຢູ ຈະຮັບຜິດຊອບເລື່ອງຄ່າເມື່ອຍທັງຫມົດ.

ຂະນະທີ່ມີລາຍງານວ່າ ຄາເຊມິໂຣ ໄດ້ຊ່ວຍໂນ້ມນ້າວ ເນມາ ຫມູ່ຮ່ວມທີມຊາດບຣາຊິລ ໃຫ້ຍ້າຍມາຫລິ້ນໃນຖິ່ນ ໂອນ ແທຣ໊ຟຟອດ ນຳອີກ ຫລັງທັງຄູ່ມີການສະໜິດສະໜົມກັນຢ່າງດີ.

ສ່ວນ ອາເອັມຊີ ສະປອດ ສື່ໃນຝຣັ່ງກໍໄດ້ລາຍງານສວນທາງ ແມນຢູ ບໍ່ໄດ້ມີການເຈະລາເລື່ອງການຊື້ຂາຍ ເນມາ ແຕ່ຢ່າງໃດ.