ແຟນບານ ເອລຊາວາດໍ ຢຽບກັນເສຍຊີວິດ 12 ຄົນ ບາດເຈັບຫລາຍກວ່າ 100 ຄົນ ຫລັງຍາດກັນເຂົ້າເບິ່ງເກມໃນສະໜາມ
ວົງການບານເຕະຕ້ອງພົບກັບຂ່າວເສົ້າອີກເທື່ອຫນຶ່ງ ເມື່ອມີແຟນບານຊາວ ເອລຊາວາດໍ ຕ້ອງສັງເວີຍຊີວິດຢ່າງຫນ້ອຍ 23 ຄົນ ຈາກເຫດການຍາດກັນເຂົ້າສະໜາມ.
ວົງການບານເຕະຕ້ອງພົບກັບໂສກນາດຕະກຳອີກເທື່ອຫນຶ່ງ ເມື່ອມີແຟນບານຕ້ອງສັງເວີຍຊີວິດຢ່າງຫນ້ອຍ 12 ລາຍຈາກການຢຽບກັນຕາຍໃນຂະນະຍາດກັນເຂົ້າໄປຊົມການແຂ່ງຂັນ ພຣີເມຣາ ດີວິຊິອອນ ເອລຊາວາດໍ ຮອບກ່ອນຮອງຊະນະເລີດ ນັດ 2 ລະຫວ່າງ ອະລຽນຊາ ກັບ ຊີດີ ເອຟເອເອສ ທີ່ສະໜາມ ຄັສຕາຕະລັນ ນະຄອນຫລວງ ຊັລວາດໍ ປະເທດເອລຊາວາດໍ.
ສື່ອັງກິດລາຍງານວ່າ ເຫດການໜ້າເສົ້ານີ້ເກີດຂຶ້ນຫລັງຈາກມີແຟນບານຈຳນວນຫລາຍພະຍາຍາມພັງເຄື່ອງກີດຂວາງດເພື່ອເຂົ້າໄປຊົມເກມໃນສະໜາມ ຫລັງຈາກປະຕູທາງເຂົ້າຖືກປິດລົງແລ້ວ ຈົນເປັນເຫດໃຫ້ເກີດການບຽດສຽດກັນ ແລະ ເຮັດໃຫ້ມີຜູ້ເສຍຊີວິດນັບສິບຄົນດັ່ງກ່າວ.
ນອກຈາກນີ້ ກະຊວງສາທະລະນະສຸກ ເອລຊາວາດໍ ຍັງເປີດເຜີຍອີກວ່າ ມີຜູ້ໄດ້ຮັບບາດເຈັບຈາກເຫດການນີ້ປະມານ 500 ລາຍ ໂດຍທັງຫມົດຖືກລຳລຽງໄປປິ່ນປົວຢູ່ໂຮງຫມໍໃກ້ຄຽງ ແລະ ຍັງບໍ່ມີລາຍງານຜູ້ເສຍຊີວິດເພີ່ມອີກ.
ສ່ວນປະທານສະຫະພັນບານເຕະ ເອລຊາວາດໍ ໄດ້ອອກມາຖະແຫລງການສະແດງຄວາມເສຍໃຈຕໍ່ເຫດການທີ່ເກີດຂຶ້ນ ແລະ ໄດ້ສັ່ງໃຫ້ຍົກເລີກການແຂ່ງຂັນບານເຕະທຸກລະດັບຂອງປະເທດ ໃນວັນອາທິດທີ 22 ທີ່ຜ່ານມາ.
ຂະນະທີ່ ປະທານາທິບໍດີ ນາຍິບ ບູເຄເລ ໄດ້ສັ່ງໃຫ້ດຳເນີນການສອບສວນເຫດການທີ່ເກີດຂຶ້ນແລ້ວ ພ້ອມປະກາດວ່າ ຈະເອົາຜິດກັບທຸກຄົນທີ່ມີສ່ວນເຮັດໃຫ້ເກີດເຫດໂສກນາດຕະກຳຄັ້ງນີ້ຢ່າງແນ່ນອນ.
