ປະທານຟີຟາ ອອກມາກ່າວເຖິງເຫດການຄວາມຮຸນແຮງຂ້າງສະໜາມນັດຊີງຊີເກມ

 

 

ປະທານຟີຟາ ຈານນີ ອິນຟານຕີໂນ ປະທານສະຫະພັນບານເຕະນາໆຊາດ ຫລື FIFA ອອກມາກ່າວເຖິງເຫດການທີ່ເກີດຂຶ້ນໃນເກມນັດຊີງຊະນເລີດການແຂ່ງຂັນບານເຕະຊີເກມ ຄັ້ງທີ 32 ທີ່ທີມຊາດໄທ ເສຍໃຫ້ ອິນໂດນີເຊຍ 2-5 ໃນໄລຍະຕໍ່ເວລາພິເສດ ເຊິ່ງໃນເກມນີ້ມີເຫດການປະທະກັນຂອງທັງສອງຝັ່ງເຮັດໃຫ້ເຈົ້າໜ້າທີ່ທະຫານ ແລະ ຕຳຫລວດຕ້ອງເຂົ້າມາຫ້າມເພື່ອບໍ່ໃຫ້ເຫດການຮ້າຍແຮງໄປກວ່ານັ້ນ.

ປະທານຟີຟາ ກ່າວວ່າ : “ ບານເຕະອາຊຽນ ມີສັກກະຍາພາບທີ່ຈະພັດທະນາໄດ້ດີ ແຕ່ໃນທີ່ສຸດກໍມີຄວາມຮຸນແຮງເກີດຂຶ້ນ ນີ້ຄືບັນຫາທີ່ກ່ຽວຂ້ອງກັບບານເຕະ ແລະ ປະເດັນທາງສັງຄົມອື່ນໆ ”.

“ ເຫດການທີ່ເກີດຂຶ້ນເມື່ອວັນທີ 16 ພຶດສະພາ ທີ່ສະໜາມໂອລິມປິກແຫ່ງຊາດຂອງປະເທດກຳປູເຈຍ ມັນໜ້າເສົ້າຫລາຍ ຖ້ານີ້ຄືຄວາມຂັດແຍ່ງລະຫວ່າງນັກເຕະ, ຜູ້ຊ່ວຍຄູຝຶກ ແລະ ຄູຝຶກຂອງທີມຄວນເຂົ້າມາຍຸດຕິເຫດການ ພາບຈາກຊີເກມໃນນັດຊີງຊະນະເລີດຖືກເຜີຍແຜ່ໃນແງ່ລົບຢ່າງຫລາຍ ”.

“ ຂ້ອຍຫວັງວ່າ ເມື່ອເກີດເຫດການແບບນີ້ໃນບານເຕະ ຊີເກມ ຝ່າຍຈັດການແຂ່ງຂັນ ທັງ AFC, AFF ແລະ ສະມາຄົມບານເຕະຂອງປະເທດນັ້ນໆ ຈະຕ້ອງເບິ່ງຍ້ອນກັບໄປຫາວິທີແກ້ໄຂທີ່ມີປະສິດທິພາບໃນການປ້ອງກັນບໍ່ໃຫ້ເຫດການນີ້ເກີດຂຶ້ນອີກໃນອະນາຄົດ ” ປະທານຟີຟາ ກ່າວ.