ໄອໂອຊີ ເລືອກ ປາຣິສ-ແອລເອ ຈັດການແຂ່ງຂັນກິລາໂອລິມປິກ 2024-2028
September 14, 2017 - 2:57 PM
ຄະນະກຳມະການໂອລິມປິກສາກົນ ຫຼື (IOC) ປະ ກາດເລືອກນະຄອນປາຣິສ ປະເທດຝຣັ່ງ ແລະ ເມືອງລອສ ແອງເຈີລິສ ປະເທດສະຫະລັດ ເປັນເຈົ້າພາບຈັດການແຂ່ງຂັນກິລາໂອລິມປິກ ປີ 2024 ແລະ 2028 ຕາມລຳດັບ.
ກ່ອນໜ້ານີ້ທັງ 2 ເມືອງ ຕ່າງຕ້ອງການເປັນເຈົ້າພາບ ໃນປີ 2024 ກ່ອນທີ່ ແອລເອ ຈະຍອມຕົກລົງລໍຖ້າການເປັນເຈົ້າພາບໄປອີກ 4 ປີ ຫຼັງ ໄອ ໂອຊີ ຢືນຢັນເລື່ອງການສະ ໜັບສະໜູນເງິນໃນການຈັດ ການແຂ່ງຂັນ ສ່ວນຄູ່ແຂ່ງ ລາຍອື່ນທັງ ຮຳບວກ, ໂຣມ ແລະ ບູດາເປ ຕ່າງຂໍຖອນໂຕ ໄປໝົດ.
ສຳລັບການຫວນກັບໄປຍັງ ປາຣິສ ຂອງກິລາໂອລິມ ປິກ ໃນປີ 2024 ນັບເປັນວາ ລະຄົບຮອບ 100 ປີ ນັບຕັ້ງ ແຕ່ທີ່ມະຫະກຳກິລາແຫ່ງຊາດ ຖືກຈັດຂຶ້ນທີ່ ນະຄອນຫຼວງ ຂອງຝຣັ່ງ ຄັ້ງຫຼ້າສຸດ. ສ່ວນ ແອລເອ ເຄີຍເປັນເຈົ້າພາບ ໂອລິມປິກ ມາແລ້ວ 2 ຄັ້ງຄື ໃນປີ 1932 ແລະ 1984.
