ນະຄອນຫລວງວຽງຈັນ ແລະ ບາງກອກ ໄທ ແລກປ່ຽນ ການສຶກສາ ສາທາລະນະສຸກ ແລະ ການທ່ອງທ່ຽວ
ວັນທີ 19 ພຶດສະພາ 2023 ຜ່ານມານີ້ ທ່ານ ອາດສະພັງທອງ ສີພັນດອນ ເຈົ້າຄອງນະຄອນຫລວງວຽງຈັນ ພ້ອມຄະນະ ເຂົ້າພົບປະ ທ່ານ ຊັດຊາດ ສິດທິພັນ ຜູ້ວ່ານະຄອນຫລວງບາງກອກ ພ້ອມຄະນະ ເພື່ອຫາລືການຮ່ວມມືລະຫວ່າງສອງຝ່າຍໃນອະນາຄົດ.
ການພົບປະຄັ້ງດັ່ງກ່າວ ທ່ານເຈົ້າຄອງນະຄອນຫລວງວຽງຈັນ ໄດ້ແລກປ່ຽນກັນ 3 ປະເດັນ ໄດ້ແກ່ ການສຶກສາ ສາທາລະນະສຸກ ແລະ ການ ທ່ອງທ່ຽວ ນອກຈາກນີ້ ຍັງໄດ້ຫາລືເພີ່ມເຕີມກ່ຽວກັບລາຍລະອຽດ ໂຄງການພາຍໃຕ້ບົດບັນທຶກການຮ່ວມມືລະຫວ່າງສອງຝ່າຍທີ່ໄດ້ລົງນາມ ໃນປີ 2008.
ດ້ານການສຶກສາ ທັງສອງຝ່າຍໄດ້ແລກປ່ຽນກ່ຽວກັບການສອນຂອງບຸຄະລາກອນຂອງທັງສອງນະຄອນຫລວງ ແລະ ຄວາມຄະລິເລີ່ມໂຄງການແລກປ່ຽນນັກຮຽນໃນສັງຄົມຂອງສອງຝ່າຍ ແລະ ການນໍາເຕັກໂນໂລຊີເຂົ້າມາເພີ່ມປະສິດທິພາບດ້ານການຮຽນການສອນຜ່ານສື່ອີເລັກໂຕຣນິກ (E-Learning).
ດ້ານສາທາລະນະສຸກ ແມ່ນໄດ້ແລກປ່ຽນຄວາມຮູ້ດ້ານການປະຕິບັດທີ່ດີທີ່ສຸດດ້ານ Telemedicine ຜ່ານການນໍາມາໃຊ້ໃນແອັບພລິເຄເຊິນ ແລະ ການຮ່ວມມືດ້ານການແພດກັບໂຮງໝໍວະຊີຣະ ແລະ ການບໍລິຫານຈັດການເມືອງ (City Lab) ກັບ ມະຫາວິທະຍາໄລນະວະມິນທຣາ ທິຣາຊ ໂດຍມີການຈັດຕັ້ງແຜນການເຝິກຊ້ອມ Tebletop Exercise ຜ່ານວີດີໂອທາງໄກ ລະຫວ່າງບຸຄະລາກອນທາງການແພດຂອງທັງສອງ ນະຄອນ ເພື່ອໃຫ້ມີທັກສະ ແລະ ຄວາມພ້ອມໃນການປະຕິບັດງານ.
ດ້ານການທ່ອງທ່ຽວ ການຮ່ວມມືການທ່ອງທ່ຽວດ້ານປະຫວັດສາດ ແລະ ນະວັດຕະກໍາລະຫວ່າງ ນະຄອນຫລວງວຽງຈັນ ແລະ ນະຄອນ ຫລວງບາງກອກ ໂດຍໄດ້ແລກປ່ຽນແນວທາງການສົ່ງເສີມເສດຖະກິດກາງຄືນ (Midnight Economy) ເພື່ອເພີ່ມປະສິດທິພາບການເຕີບໂຕ ຂອງທຸລະກິດກາງຄືນ ແລະ ການສົ່ງເສີມເສດຖະກິດໃນຕົວເມືອງ ເຊັ່ນ: ການຈັດສັນພື້ນທີ່ໃນຕົວເມືອງເພື່ອຂາຍສິນຄ້າ ຫຼື ການຍົກສະມັດ ທະພາບອາຫານຂາຍຕາມແຄມທາງ ໃນການດຶງດູດນັດທ່ອງທ່ຽວຊາດອື່ນເຂົ້າມາ.
ຂ່າວ: ວຽງຈັນໃໝ່
