ບີເອລຊາ ອະດີດຜູ້ຈັດການທີມ ລີດ ຢູໄນເຕັດ ໄດ້ວຽກໃຫມ່ ຄຸມທີມຊາດອຸຣຸໄກວ

ສຳນັກຂ່າວ ບີບີຊີ ລາຍງານວ່າ ມາເຊໂລ ບິເອລຊາ ອະດີດຜູ້ຈັດການທີມ ລີດ ຢູໄນເຕັດ  ໄດ້ວຽກໃຫມ່ຮຽບຮ້ອຍແລ້ວ ຫລັງໄດ້ຮັບການແຕ່ງຕັ້ງໃຫ້ຄຸມທີມຊາດອຸຣຸໄກວ.

ບິເອລຊາ ອາຍຸ 67 ປີ ຫວ່າງວຽກໄປຕັ້ງແຕ່ຖືກ ລີດ ຢູໄນເຕັດ ປົດຈາກຕຳແໜ່ງເມື່ອເດືອນກຸມພາ ປີ 2022 ແລະ ກ່ອນໜ້ານີ້ມີກະແສເຊື່ອມໂຍງກັບສະໂມສອນໃນອັງກິດ ຄື : ບອນມັສ ແລະ ເອຟເວີຕັນ.

ແນວໃດກໍຕາມຫລ້າສຸດລາວໄດ້ວຽກໃຫມ່ຮຽບຮ້ອຍແລ້ວ ຫລັງໄດ້ຮັບການແຕ່ງຕັ້ງໃຫ້ຮັບບົດຜູ້ຈັດການທີມຊາດອຸຣຸໄກວທີ່ກ່ອນໜ້ານີ້ຕົກຮອບທຳອິດໃນບານໂລກ 2022 ທີ່ກາຕ້າ.

ສຳລັບຜົນງານສຳຄັນຂອງ ບິເອລຊາ ກ່ອນໜ້ານີ້ ຄື ການພາລີດ ຢູໄນເຕັດ ເລື່ອນຊັ້ນກັບສູ່ພຣີເມຍລີກ ເມື່ອປີ 2018 ເຊິ່ງເປັນການກັບມາສູ່ລີກສູງສຸດຄັ້ງທຳອິດໃນຮອບ 16 ປີ ຂອງສະໂມສອນ.