ໂປເຊັດຕີໂນ ບັນລຸຂໍ້ຕົກລົງຮັບວຽກຜູ້ຈັດການທີມໃຫມ່ ເຊລຊີ
ສຳນັກຂ່າວເທເລກຣາຟ ລາຍງານວ່າ ເມົາຣີຊີໂອ ໂປເຊັດຕີໂນ ຜູ້ຈັດການທີມຊາວອາເຈນຕີນາ ໄດ້ບັນລຸຂໍ້ຕົກລົງໃນການເຂົ້າມານັ່ງແທ່ນຜູ້ຈັດການທີມຄົນໃຫມ່ຂອງທີມ ເຊລຊີ ສະໂມສອນໃນພຣີເມຍ ລີກ ອັງກິດແລ້ວ.
ລາຍງານລະບຸວ່າ ທາງ ໂປເຊັດຕີໂນ ແລະ ເຊລຊີ ໄດ້ບັນລຸຂໍ້ຕົກລົງດັ່ງກ່າວ ຫລັງຈາກຈົບເກມທີ່ ແຟຣັງ ແລມພາດ ຜູ້ຈັດການທີມຮັກສາການຊ່ົວຄາວຂອງເຊລຊີ ທີ່ຈະຮັບງານໃນຖິ່ນສະແຕມຟອດ ບຣິດ ຈົນຈົບລະດູການນີ້ ບໍ່ສາມາດພາທີມຄວ້າໄຊເໜືອ ນ໊ອດຕິດແຮມ ຟໍເຣສ ໄດ້.
ເຊລຊີ ຍັງມີກະແສຂ່າວກ່ຽວກັບຕົວເລືອກຂອງຜູ້ທີ່ຈະເຂົ້າມາເປັນຜູ້ຈັດການທີມຄົນໃຫມ່ຂອງພວກເຂົາຢ່າງຕໍ່ເນື່ອງ ຫລັງຈາກທີ່ທີມສັ່ງປົດ ແກຣມ ພັອດເຕີ ທີ່ເຂົ້າມາຮັບງານກັບທີມໄດ້ບໍ່ດົນແຕ່ຜົນງານກັບບໍ່ເປັນໄປຢ່າງທີ່ຫວັງ.
ຈົນຫລ້າສຸດມີການເປີດເຜີຍວ່າ ພວກເຂົາໄດ້ບັນລຸຂໍ້ຕົກລົງໃນການຄວ້າຕົວ ໂປເຊັດຕີໂນ ເຂົ້າມາຮັບງານນີ້ ເຖິງວ່າກ່ອນໜ້ານີ້ລາວຈະເຄີຍເປັນຜູ້ຈັດການທີມ ທັອດແນມ ຮັອດສະເປີ ທີມຄູ່ປັບຮ່ວມນະຄອນລອນດອນມາກ່ອນກໍຕາມ.
ທັງນີ້ ນອກຈາກຕົວຂອງ ໂປເຊັດຕີໂນ ແລ້ວ ຍັງມີການເປີດເຜີຍວ່າບັນດາທີມງານຂອງເຂົາ ເຄຊຸດ ເປເຣສ, ມິເກລ ດາກອສຕິໂນ, ໂທນີ ຄີເມເນສ ແລະ ເຊບາສຕຽນໂນ ໂປເຊັດຕີໂນ ລູກຊາຍຂອງລາວ ກໍຈະຕາມມາເຮັດວຽກກັບລາວຢ່າງພ້ອມໜ້າ.
