ຕໍາຫລວດຄໍາມ່ວນມ້າງເຄືອຂ່າຍຢາເສບຕິດອັນຕະລາຍ
September 13, 2017 - 10:42 PM
ເຈົ້າໜ້າທີ່ ປກສ ແຂວງຄໍາມ່ວນ ໃຫ້ຮູ້ວ່າ: ເມື່ອບໍ່ດົນມານີ້, ກໍາລັງເຈົ້າໜ້າທີ່ ຂອງຕົນສາມາດມ້າງເຄືອຂ່າຍຄ້າຂາຍຢາເສບຕິດອັນຕະລາຍຢູ່ບ້ານນາຈັດເມືອງບົວລະພາແຂວງຄໍາມ່ວນ ແລະ ສາມາດຈັບຜູ້ກະທໍາຜິດຄື: ທ້າວ ສອນ ອາຍຸ 28 ປີຢູ່ບ້ານນາແສ, ນາງ ມີ້ນ ອາຍຸ 22 ປີຢູ່ບ້ານ ແລະ ເມືອງມະຫາໄຊ ແລະ ທ້າວ ພອນ ອາຍຸ 31 ປີຢູ່ບ້ານລັງຄັງເມືອງບົວລະພາ, ພ້ອມຂອງກາງຢາບ້າ 6 ພັນເມັດ, ຈຶ່ງຢຶດໄວ້ເປັນຫລັກຖານເພື່ອດໍາເນີນຄະດີຕາມລະບຽບກົດໝາຍ ແລະ ຈາກນັ້ນ, ເຈົ້າໜ້າທີ່ໄດ້ນໍາກໍາລັງລົງຈັບຕົວຜູ້ຮ່ວມຂະບວນການຢູ່ບ້ານໃໝ່ສີວິໄລເມືອງທ່າແຂກມາດໍາເນີນຄະດີຄື: ທ້າວ ເລັ່ງ ອາຍຸ 48 ປີຢູ່ບ້ານປາກທືກ ແລະ ທ້າວ ບຸນທອນ ອາຍຸ 45 ປີຢູ່ບ້ານຄຳແກ້ວເມືອງຫີນບູນແຂວງຄຳມ່ວນ, ຊຶ່ງປັດຈຸບັນຄະດີຢາເສບຕິດລາຍນີ້, ເຈົ້າໜ້າທີ່ພວມກໍາລັງຂະຫຍາຍຜົນຫາຜູ້ຮ່ວມຂະບວນການມາດຳເນີນຄະດີຕາມລະບຽບກົດໝາຍໂດຍໄວ.
