ສປປ ລາວ ກຽມສະເໜີ “ພິທີສູ່ຂວັນ” ເປັນມໍລະດົກໂລກ

ວັນທີ 11 ພຶດສະພາ 2023 ຜ່ານມາ ກົມສິລະປະ-ວັດທະນາທຳ, ກະຊວງຖະແຫລງຂ່າວ ວັດທະນາທຳ ແລະ ທ່ອງທ່ຽວ ຈັດກອງປະຊຸມຄົ້ນຄວ້າຮຽບຮຽງເນື້ອໃນບົດສູ່ຂວັນ ເພື່ອປະກອບໃສ່ບົດສະເໜີ “ບົດສູ່ຂວັນ” ເພື່ອລົງທະບຽນເປັນມໍລະດົກທາງວັດທະນະທຳນາມມະທຳຂອງມວນມະນຸດ ຫລື ມໍລະດົກໂລກ.

ພິທີສູ່ຂັວນ ເປັນວັດທະນາທຳດັ້ງເດີມຂອງຄົນລາວເຮົາ  ແລະ ມີພິທີກໍາທີ່ຍາວນານຫລາຍພັນປີ, ພິທີກໍານີ້ໄດ້ຜູກພັນກັບຄົນລາວທາງດ້ານຈິດໃຈຈົນມາເຖິງປັດຈຸບັນນີ້ ຈາກພິທີກໍາໃນຊຸມຊົນຈົນກາຍມາເປັນພິທີທາງການຕ້ອນຮັບແຂກບ້ານແຂກເມືອງກໍຄືຜູ້ຄົນທີ່ມີໄມຕິຈິດຕໍ່ກັນ.