ປະຊາກອນເດັກນ້ອຍໃນຍີ່ປຸ່ນ ຫລຸດລົງຕ່ຳສຸດ 14,35 ລ້ານຄົນ
May 11, 2023 - 5:12 PM
ສຳນັກຂ່າວຊິນຮວາ ລາຍງານໃນວັນທີ 8 ພຶດສະພາ ຜ່ານມາວ່າ: ລັດຖະບານ ຍີ່ປຸ່ນ ເປີດເຜີຍ ຈຳນວນປະຊາກອນ ເດັກນ້ອຍ ໃນປະເທດ ຫລຸດລົງ ສູ່ລະດັບ ຕ່ຳສຸດ ເປັນປະຫວັດສາດ 14,35 ລ້ານຄົນ ແລະ ເປັນການ ຫລຸດລົງ ເປັນປີທີ 42 ຕິດຕໍ່ກັນ ຊຶ່ງອັດຕາສ່ວນ ເດັກນ້ອຍ ຕໍ່ປະຊາກອນ ທັງໝົດ ຂອງຍີ່ປຸ່ນ ຢູ່ລະດັບ 11,5 ຫລຸດລົງ 0,2 ຈຸດ. ຂະນະທີ່ ເດັກຊາຍ ມີຈຳນວນ 7,35 ລ້ານຄົນ ຈາກຈຳນວນ ປະຊາກອນເດັກທັງໝົດ ແລະ ເດັກຍິງ ມີຈຳນວນ 7 ລ້ານຄົນ. ຈຳນວນປະຊາກອນ ຍີ່ປຸ່ນ ຫລຸດລົງ ຢ່າງຕໍ່ເນື່ອງ ນັບຕັ້ງແຕ່ປີ 1982, ຫລັງຈາກ ມີປະຊາກອນ ໃນໄວ ດັ່ງກ່າວ ຢູ່ລະດັບ ສູງສຸດ ເມື່ອປີ 1945 ລະດັບ 29,89 ລ້ານຄົນ ແລະ ການຂະຫຍາຍຕົວຂອງ ເດັກ ນ້ອຍ ຄັ້ງທີສອງ ໃນຊຸມປີ 1970.
