ເທນ ຮາກ ຫວັງໄດ້ກອງຫລັງສະເໜ່ແຮງ ເສີມທີມ ຄ່າຕົວ 52 ລ້ານປອນ

Sun Sport ສື່ກິລາຊື່ດັງຂອງອັງກິດ ລາຍງານວ່າ ແມນເຊສເຕີ ຢູໄນເຕັດ ຈະສາມາດຊື້ ຄິມ ມິນ ແຈ ກອງຫລັງຂອງ ນາໂປລີ ທີມຜູ້ນຳຂອງ ກັລ ໂຊ ເຊເຣຍ ອາ ອິຕາລີ ໃນລະດູການນີ້.

ເຖິງວ່າກ່ອນໜ້ານີ້ ຈະມີລາຍງານວ່າ ຄະນະບໍລິຫານຂອງ ແມນຢູ ຈະສູ້ລາຄາພຽງ 40 ລ້ານປອນເທ່ົານັ້ນ ເຊິ່ງຫລ້າສຸດມີລາຍງານວ່າສະໂມສອນຢືນຢັນຈະຈີກສັນຍາດ້ວຍເງິນຈຳນວນ 52 ລ້ານປອນ ເພື່ອຊື້ກອງຫລັງທີມຊາດ ສ.ເກົາຫລີ ມາຢູ່ຮ່ວມຊາຍຄາ ໂອນ ແທຣຟຟອດ ເພື່ອເຂົ້າມາຊ່ວຍ ຣາຟາເອລ ວາຣານ ແລະ ລິຊານໂດຣ ມາຕີເນສ ໃນລະດູການນີ້.

ສຳລັບ ຄິມ ມິນ ແຈ ຫາກໍເປັນນັກເຕະ ສ.ເກົາຫລີ ຄົນທຳອິດທີ່ໄດ້ແຊ໊ມ ກັລໂຊ ເຊເຣຍ ອາ ກັບ ນາໂປລີ ມາຫມາດໆ ຜົນງານສ່ວນຕົວໃນລະດູການນີ້ ຍິງໄປ 2 ປະຕູ 2 ແອສຊິສ ຈາກການລົງສະໜາມ 43 ເກມໃນທຸກລາຍການ.