ເດີ ບຣອຍ ເປັນພະເອກຍິງຊ່ວຍໃຫ້ ແມນ ຊິຕີ້ ສະເໝີ ເຣອັລ ມາດຣິດ ນັດທຳອິດ UCL ກັບມາລຸ້ນເຂົ້າຊີງຕໍ່ໃນບ້ານໂຕເອງ
ຈົບລົງໄປສຸດມັນສກັບການແຂ່ງຂັນ ຢູຟາ ແຊ້ມປ້ຽນລີກ ຮອບຮອງຊະນະເລີດ ນັດທີ 1 ລະຫວ່າງ ເຣອັລ ມາດຣິດ ແຊ້ມເອີຣົບ 14 ສະໄໝ ເປີດບ້ານສະເໝີກັບ ແມນເຊັສເຕີ ຊິຕີ້ ໂຕເຕັງຈາກອັງກິດ 1-1 ເມື່ອວັນທີ 9 ພຶດສະພາ ທີ່ຜ່ານມາ.
ເກມເຄິ່ງເວລາທໍາອິດທີ່ ຊານຕິອາໂກ ເບີນາເບວ “ລາຊາຊຸດຂາວ” ຄອງບານໄດ້ພຽງແຕ່ 30% ເພາະຖືກ ແມນເຊັສເຕີ ຊິຕີ້ ບຸກໃສ່ຂ້າງດຽວ ແຕ່ໄດ້ປະຕູຂຶ້ນນຳກ່ອນນາທີ 36 ຈາກ ວີນິຊິສ ຈູເນຍ ລາກຕັດເຂົ້າກາງແລ້ວຍິງເຂົ້າປະຕູ ຂຶ້ນນຳ 1-0 ແລະ ນຳດ້ວຍສະກໍນີ້ຈົນຈົບເຄິ່ງເວລາທຳອິດ.
ຢ່າງໃດກໍ່ຕາມ, ໃນເຄິ່ງເວລາທີ 67 ແມນເຊັສເຕີ ຊິຕີ້ ໄລ່ຕີສະເໝີໄດ້ສຳເລັດ ຈາກ ເຄວິນ ເດີ ບຣອຍ ໄດ້ບານຄືນຈາກໝູ່ ກ່ອນທີ່ຈະຕັ້ງປ້ອມຍິງເຂົ້າປະຕູເປັນ 1-1, ເວລາທີ່ເຫລືອທັງສອງຝ່າຍຫາທາງເອົາເພີ່ມບໍ່ໄດ້ແລ້ວ ຈົບເກມສະເໝີແບ່ງກັນໄປຝັ່ງລະປະຕູ.
ສຳລັບເກມທີ່ 2 ແມນເຊັສເຕີ ຊິຕີ້ ຈະເປັນຝ່າຍເປີດຮັງ ເອທິຮາດ ຕ້ອນຮັບແຊ້ມເກົ່າ ເພື່ອຕັດສິນໃນວັນທີ 17 ພຶດສະພານີ້ ເພື່ອຫາຜູ້ເຂົ້າຊີງຊະນະເລີດຕໍ່ໄປ.
