ສົກຮຽນ 2022-2023 ເມືອງປາກຊັນ ມີນັກຮຽນປະລະການຮຽນສູງເຖິງ 135 ຄົນ
May 9, 2023 - 1:17 PM
ທ່ານ ຄໍາແວ່ນ ປັນຍານຸວົງ ຫົວໜ້າຫ້ອງການສຶກສາທິການ ແລະ ກິລາເມືອງປາກຊັນ ລາຍງານ ຕໍ່ກອງປະຊຸມປຶກສາຫາລືຄົ້ນຄວ້າຫຼຸດຜ່ອນອັດຕາການປະລະການຮຽນຂອງນັກຮຽນ ແລະ ເຜີຍແຜ່ນິຕິກຳສົ່ງເສີມຫັດກາຍຍະບໍລິຫານ, ອອກກຳລັງກາຍ ແລະ ຫຼິ້ນກິລາ ເພື່ອສຸຂະພາບ ຂອງມວນຊົນ ຂອງເມືອງປາກຊັນ ວັນທີ 3 ພຶດສະພາ 2023 ຜ່ານມານີ້ວ່າ:
ຕໍ່ກັບສະພາບສັງຄົມໃນປັດຈຸບັນ ເຮັດໃຫ້ນັກຮຽນແລ່ນນໍາກະແສສັງຄົມ ຄອບຄົວຂາດເຂີນ ແລະ ຂາດແຮງງານຮັບໃຊ້ວຽກຄອບຄົວ ເຮັດໃຫ້ນັກຮຽນປະລະການຮຽນ ເກີດປາກົດການຫຍໍ້ທໍ້ໃນສັງຄົມ ຜູ້ປົກຄອງສ່ວນຫຼາຍຄິດວ່າຮຽນຈົບໄປກໍບໍ່ໄດ້ໄປປະກອບອາ ຊີບຕາມສາຍທີ່ຮຽນຈົບມາ ແລະ ຊອກວຽກເຮັດງານທໍາໄດ້ຍາກ ເຫັນໄດ້ຫຼາຍໃນສັງຄົມປະຈຸບັນ ເຊິ່ງສະແດງອອກໃນສົກຮຽນ 2022 -2023 ໂຮງຮຽນມັດທະຍົມຕົ້ນ ແລະ ຕອນປາຍທົ່ວເມືອງປາກຊັນ ໃນຕົ້ນເດືອນກັນຍາມີນັກຮຽນທັງໝົດ: 4.557 ຄົນ ຍິງ 2.305 ຄົນ ມາເຖິງເດືອນພຶດສະພາ ນັກຮຽນທີ່ມີໜ້າທັງໝົດ 4.422 ຄົນ ຍິງ 2.237 ຄົນ.
ດັ່ງນັ້ນ, ເຫັນໄດ້ແຈ້ງວ່າ ໃນສົກຮຽນ 2022-2023 ມີຈໍານວນນັກຮຽນທີ່ປະລະການຮຽນທັງໝົດ: 135 ຄົນ ຍິງ 68 ຄົນ.
ນອກຈາກນີ້, ທາງຫ້ອງການສຶກສາທິການ ແລະ ກິລາເມືອງ ຍັງໄດ້ສົມທົບກັບຄູ-ອາຈານລົງປະເມີນ, ເກັບກໍາຂໍ້ມູນນັກຮຽນທີ່ອ່ານພາສາລາວບໍ່ອອກ ແລະ ຂຽນບໍ່ເປັນ, ຄິດໄລ່ເລກ 4 ປະການບໍ່ໄດ້ ແລະ ຍັງໄດ້ລາຍງານຕໍ່ຜູ້ປົກຄອງວ່າ ລູກຂອງຕົນຈະຕ້ອງໄດ້ຈັດການບໍາລຸງ ຜູ້ປົກຄອງຕ້ອງມີສ່ວນຮ່ວມກັບຄູ-ອາຈານ ຕ່າງຝ່າຍຕ່າງມີສ່ວນຮ່ວມ ປຸກລະດົມຂົນຂວຍຊ່ວຍກັນ
