ອັລກາຣາສ ຄວ້າແຊ໊ມ ມາດຣິດ ມາສເຕີ 2 ສະໄຫມຊ້ອນ

ກາລອສ ອັລກາຣາສ ຕ້ອງອອກແຮງເມື່ອຍ ກ່ອນເອົາຊະນະ ຢານ ເລນນາດ ສະຕຣັຟ ຫວຸດຫວິດ 2-1 ເຊັດ ປ້ອງກັນບັນລັງແຊ໊ມເທນນິສ ມາດຣິດ ໂອເພັນ ເອົາໄວ້ໄດ້ ສຳເລັດ.

ການແຂ່ງຂັນ ເອທີພີເວີນ ທົວ ມາສເຕີ 1,000 ມາດຣິດ ໂອເພັນ ທີ່ນະຄອນຫລວງມາດຣິດ ປະເທດສະເປນ ເມື່ອວັນອາທິດທີ່ຜ່ານມາ ໃນຮອບຊີງຊະນະເລີດ ປະເພດຊາຍດ່ຽວ ກາລອສ ອັລກາຣາສ ແຊ໊ມເກ່ົາ ແລະ ມື 2 ຂອງໂລກຈາກສະເປນ ບໍ່ເຮັດໃຫ້ກອງເຊຍເຈົ້າຖິ່ນຜິດຫວັງ ຫລັງບຽດເອົາຊະນະ ຢານ-ເລນນາດ ສະຕັຟ ຈາກເຢຍລະມັນ ຫວຸດຫວິດ 2-1 ເຊັດ 6-4, 3-6, 6-3 ປ້ອງກັນແຊ໊ມເອົາໄວ້ໄດ້ສຳເລັດ.

ຈາກການຄວ້າແຊ໊ມຄັ້ງນີ້ ເຮັດໃຫ້ ອັລກາຣາສ ກາຍເປັນນັກເທັນນິສຄົນທີ 2 ທີ່ສາມາດປ້ອງກັນແຊ໊ມ ມາດຣິດ ໂອເພັນ ເອົາໄວ້ໄດ້ສຳເລັດ ໂດຍຄົນທຳອິດເຮັດໄດ້ຄື ຣາຟາເອລ ນາດາລ ນັກເທັນນິດຮຸ່ນອ້າຍຮ່ວມຊາດຂອງລາວ ທີ່ປ້ອງກັນແຊ໊ມເອົາໄວ້ໄດ້ເມື່ອປີ 2014.

ນອກຈາກນີ້ຍັງເປັນການຄວ້າແຊ໊ມລາຍການທີ 4 ໃນລະດູການນີ້ ແລະ ລາຍການທີ 10 ໃນອາຊີບຂອງນັກເທັນນິດ 20 ປີນຳອີກ ລວມທັງຍັງຈະເຮັດໃຫ້ລາວແຊງ ໂນວັກ ຢໍໂຄວິດ ນັກເທັນນິດປະສົບການຫລາຍຈາກແຊັກບີ ກັບຂຶ້ນໄປຄອງບັນລັງມື 1 ຂອງໂລກໄດ້ອີກຄັ້ງຫນຶ່ງພຽງແຕ່ລົງແຂ່ງຂັນໃນອິຕາລີ ໂອເພັນ ໃນອາທິດໜ້າອີກຕ່າງຫາກ.