ມອບ-ຮັບອາຄານ ສູນຕ້ອນຮັບຊົ່ວຄາວຜູ້ຖືກເຄາະຮ້າຍຈາກການຄ້າມະນຸດ ພາກເໜືອ

ພິທີ ມອບ-ຮັບ ອາຄານ ສູນຮັບຕ້ອນຊົ່ວຄາວຜູ້ຖືກເຄາະຮ້າຍຈາກການຄ້າມະນຸດ ພາກເໜືອ ຈັດຂຶ້ນທີ່ ແຂວງຫລວງນໍ້າທາ ໃນວັນທີ 3 ພຶດສະພາ 2023 ຜ່ານມາ, ໂດຍການເຂົ້າຮ່ວມຂອງ ທ່ານ ພົອ ວິໄລ ຫລ້າຄໍາຟອງ ກໍາມະການກົມການເມືອງສູນກາງພັກ, ຮອງນາຍົກລັດຖະມົນຕີ, ລັດຖະມົນຕີກະຊວງ ປກສ, ປະທານຄະນະກໍາມະການຕ້ານການຄ້າມະນຸດລະດັບຊາດ, ມີທ່ານ ພົຕ ຈັນສະແຫວງ ທິບຄູນທອງ ຮອງເລຂາພັກແຂວງ, ປະທານກວດກາ ແຂວງຫລວງນໍ້າທາ, ມີຮອງປະທານສູນກາງສະຫະພັນແມ່ຍິງລາວ,  ບັນດາຄະນະກໍາມະການຕ້ານການຄ້າມະນຸດລະດັບຊາດ, ແຂວງ, ຫ້ອງວ່າການກະຊວງ, ບັນດາກົມໃຫຍ່, ສະມາຊິກກອງເລຂາ ຄະນະກໍາມະການຕ້ານການຄ້າມະນຸດ ພ້ອມດ້ວຍນັກທຸລະກິດ ແລະ ແຂກຖືກເຊີນ ເຂົ້າຮ່ວມ.

ເຊິ່ງ ການກໍ່ສ້າງດັ່ງກ່າວ ລວມທັງ​ໝົດ 14,2 ຕື້ກວ່າກີບ ເຊິ່ງປະກອບມີ 3  ໄລຍະການກໍ່ສ້າງ ໂດຍໄດ້ເລີ່ມກໍ່ສ້າງມາແຕ່ ວັນທີ 7 ພຶດສະພາ 2021 ຫາ ວັນທີ 18 ກຸມພາ 2023 ຈຶ່ງສໍາເລັດໂຄງການກໍ່ສ້າງ.