ເຈົ້າໜ້າທີ່ພາສີ ແຂວງບໍລິຄຳໄຊ ຢຶດລົດຈັກ HONDA GPX 2 ຄັນ ທີ່ບໍ່ມີເອກະສານຖືກຕ້ອງ ເພື່ອດຳເນີນຄະດີຕາມລະບຽບກົດໝາຍ
May 7, 2023 - 9:11 AM
ວັນທີ 3 ພຶດສະພາ 2023 ຜ່ານມາ, ເຈົ້າໜ້າທີ່ພະແນກສືບສວນ-ສອບສວນ ແລະ ປາບປາມການລັກລອບໜີພາສີ (ພສປ) ປະຈໍາການຢູ່ຈຸດປະສານງານນາເລົ່າ ແຂວງບໍລິຄໍາໄຊ, ໄດ້ຮັບແຫຼ່ງຂ່າວຈາກພົນລະເມືອງດີວ່າມີການຂົນລົດຈັກ ຈຳນວນ 2 ຄັນ ໃສ່ລົດເມໂດຍສານ (ພາຍໃນ) ປາຍທາງແມ່ນນະຄອນຫຼວງວຽງຈັນ.
ໂດຍຜ່ານການຕິດຕາມກວດກາສາມາດຢຶດລົດຈັກຍີ່ຫໍ້ HONDA GPX ຈໍານວນ 2 ຄັນ, ຜ່ານການ ສືບສວນ-ສອບສວນເບື້ອງຕົ້ນລົດດັ່ງກ່າວແມ່ນບໍ່ມີເອກະສານຖືກຕ້ອງ. ດັ່ງນັ້ນ, ຈຶ່ງໄດ້ມອບລົດທັງ 2 ຄັນໃຫ້ພາສີປະຈໍາແຂວງ ບໍລິຄຳໄຊ, ດຳເນີນການຂັ້ນຕອນຂອງກົດໝາຍ ແລະ ລະບຽບການຕໍ່ໄປ.
