ປະທານທະນາຄານໂລກຄົນໃໝ່ ພ້ອມແກ້ໄຂ ບັນຫາທ້າທາຍດ້ານການພັດທະນາ

ຕາມ​ຂ່າວ​ຈາກ ວໍ​ຊີງ​ຕັນວັນທີ 4 ພຶດສະພາ 2023 ຜ່ານມານີ້ວ່າ: ຄະນະ​ກຳມະການບໍລິຫານທະນາຄານ ໄດ້​ລົງມະຕິ​ເປັນເອກະພາບກັນໃຫ້ ທ່ານ ອາ​ເຈຍ ບັງ​ກາ (Ajay Banga) ຊາວ​ອາ​ເມ​ລິ​ກາ ​ເຊື້ອສາຍອິນ​ເດຍ  ​ເປັນ​ປະທານ ທະນາຄານ​ໂລກ ຄົນ​ໃໝ່ ພ້ອມ​ແກ້​ໄຂ​ບັນຫາທ້າ​ທາຍ​ດ້ານ​ການ​ພັດທະນາຫລັງ​ຈາກ ​ດຳລົງ​ຕຳ​ແໜ່​ງດັ່ງກ່າວ ໃນ​ໄລຍະ ​ເວລາ 5 ​ປີ ​ແລະ ຈະ​ເລີ່​ມຈັດຕັ້ງປະຕິບັດ​ໜ້າ​ທີ່ ຢ່າງ​ເປັນ​ທາງ​ການ  ວັນ​ທີ 2 ມິຖຸນາ​ນີ້​ ເປັນຕົ້ນ​ໄປໂດຍ​ຮັບ​ໜ້າ​ທີ່ຕໍ່ຈາກທ່ານ​ ​ເດ​ວິດ ມໍລພາສ (David Malpass) ໄດ້ປະກາດລາ​ອອກ​ກ່ອນ​ກຳນົດ.

ໃນ​ໂອກາດ​ນີ້ ທ່ານ ​ໂຈ ​ໄບ​ເດນ​(Joe Biden), ປະທານາທິບໍດີ ສ.ອາ​ເມ​ລິ​ກາ ​ໄດ້​ຖະ​ແຫລ​ງວ່າ: ທ່ານ ບັງ​ກາ ຈະ​ຊ່ວຍ​ ຊຸກຍູ້​ ທະນາຄານ​ໂລກໃຫ້ມີ​ບົດບາດແກ້​ໄຂ​ບັນຫາທ້າ​ທາຍ​ຕ່າງໆ​ຂອງ​ໂລກທີ່​ສົ່ງ​ຜົນ​ກະທົບ ​ໂດຍ​ກົງ​ກັບ​ພາລະກິດ​ຫລັກ ຂອງ​ທະນາຄານໃນ​ການ​ຊ່ວຍຫລຸດຜ່ອນ​ບັນຫາຄວາມທຸກ​ຍາກຊຶ່ງ​ສິ່ງ​ທ້າ​ທາຍ​ນີ້ລວມ​ເຖິງການ​ປ່ຽນ​ແປງດິນ​ຟ້າ ​ອາກາດ ​ແລະ ການ​ແກ້​ໄຂບັນຫາເລື່ອງ​ເງິນ​ທຶນສຳລັບ​ການ​ແກ້​ໄຂ​ບັນຫາ​ຂອງ​ໂລກ.