ອົງການອະນາໄມໂລກປະກາດຢຸດສະຖານະການສຸກເສີນຈາກໂຄວິດ

ອົງການອະນາໄມໂລກ (WHO) ປະກາດວ່າ: ໂຄວິດ-19 ບໍ່ແມ່ນສະຖານະການສຸກເສີນດ້ານສາທາລະນະສຸກທົ່ວໂລກອີກຕໍ່ໄປ. ຖະແຫລງການດັ່ງກ່າວຖືເປັນບາດກ້າວສໍາຄັນສູ່ການສິ້ນສຸດຂອງພະຍາດລະບາດ ຫລັງຈາກໄວຣັສລະບາດທົ່ວໂລກມາກວ່າ 3 ປີ ຈົນສ້າງຄວາມເສຍຫາຍຕໍ່ເສດຖະກິດ ແລະ ມີຄົນຜູ້ເສຍຊີວິດຫລາຍລ້ານຄົນ.

ເຈົ້າໜ້າທີ່ WHO ລະບຸວ່າ: ອັດຕາການເສຍຊີວິດຈາກໂຄວິດຫລຸດຕໍ່າລົງຈາກສູງສຸດ 100.000 ກວ່າຄົນຕໍ່ອາທິດໃນເດືອນມັງກອນ 2021 ເຫລືອພຽງ 3.500 ຄົນໃນວັນທີ 24 ເມສາ.

ທ່ານ ດຣ. ທີໂດສ ອັດຮານອມ ເກເບຣເຢຊຸສ ຜູ້ອໍານວຍການ WHO ກ່າວວ່າ: ຈາກຂໍ້ມູນທີ່ເກັບຮວບຮວມພົບວ່າ: ມີຜູ້ເສຍຊີວິດທົ່ວໂລກນັບແຕ່ໂຄວິດລະບາດລວມຢ່າງໜ້ອຍ 7 ລ້ານຄົນ, ແຕ່ຕົວເລກທີ່ແທ້ຈິງສູງເຖິງ 20 ລ້ານຄົນ.

ເຖິງຢ່າງໃດກໍຕາມ, ເຖິງວ່າສະຖານະການສຸກເສີນດ້ານສາທາລະນະສຸກຈາກໂຄວິດທົ່ວໂລກໄດ້ສິ້ນສຸດລົງແລ້ວ, ແຕ່ທ່ານເຕືອນວ່າ: ໄວຣັສດັ່ງກ່າວຍັງເປັນໄພຄຸກຄາມຕໍ່ມະນຸດທີ່ສໍາຄັນ.

ອ້າງອີງ:

https://www.bbc.com/news/health-65499929