ເດືອນເມສາ ທົ່ວປະເທດ ມີຄົນໄດ້ຮັບບາດເຈັບຈາກອຸບັດເຫດ 1.173 ຄົນ ພາຫະນະເປ່ເພ 1.244 ຄັນ

ວັນທີ 5 ພຶດສະພາ 2023 ນີ້, ກົມຕໍາຫລວດຈະລາຈອນລາຍງານການເກີດອຸບັດເຫດທົ່ວປະເທດປະຈໍາເດືອນເມສາ ວ່າ: ມີອຸບັດເຫດເກີດຂຶ້ນ 702 ຄັ້ງ, ເພີ່ມຂື້ນຈາກເດືອນມີນາ 85 ຄັ້ງ, ພາຫະນະເປ່ເພ 1.244 ຄັນ, ເພີ່ມຂຶ້ນ 157 ຄັນ, ຄົນໄດ້ຮັບບາດເຈັບ 1.173 ຄົນ, ເພີ່ມຂື້ນ 199 ຄົນ, ເສຍຊິວີດ 90 ຄົນ ຫລຸດລົງ 5 ຄົນ, ສະເພາະນະຄອນຫຼວງວຽງຈັນ.ອຸບັດເຫດເກີດຂື້ນ 104 ຄັ້ງ, ເພີ່ມຂື້ນ 2 ຄັ້ງ, ພາຫະນະເປ່ເພ 212 ຄັນ, ເພີ່ມຂື້ນ 13 ຄັນ, ໄດ້ຮັບບາດເຈັບ 125 ຄົນ ຫລຸດລົງ 9 ຄົນ, ເສຍຊີວິດ 15 ຄົນ ເພີ່ມຂຶ້ນ 4 ຄົນ.

• ສາເຫດຂອງການເກີດອຸບັດເຫດ: ດື່ມເຫລົ້າ 175 ຄັ້ງ, ຄວາມໄວເກີນ 274 ຄັ້ງ, ປ່ຽນທິດທາງເດີນ 74 ຄັ້ງ ,ບໍ່ປ່ອຍສິດ 113 ຄັ້ງ, ຊິງຂື້ນໜ້າບໍ່ຮັບປະກັນ 53 ຄັ້ງ, ເຕັກນິກບໍ່ດີ 14 ຄັ້ງ, ລ່ວງປ້າຍຫ້າມ 12 ຄັ້ງ ແລະ ອື່ນໆ 14 ຄັ້ງ.
• ເວລາ ທີ່ເກີດເຫດອຸບັດເຫດ: 1:00 ໂມງ ຫາ 7:00ໂມງເຊົ້າ 23 ຄັ້ງ, 8:00 ໂມງ ຫາ 16:00 ໂມງແລງ 150 ຄັ້ງ, 17:00 ໂມງ ຫາ 24:00 ໂມງຄືນ 529 ຄັ້ງ.
• ແຂວງທີ່ເກີດອຸບັດເຫດຫລາຍ: ນະຄອນຫຼວງວຽງຈັນ 104 ຄັ້ງ, ແຂວງຈໍາປາສັກ 96 ຄັ້ງ, ແຂວງສະຫວັນນະເຂດ 80 ຄັ້ງ, ແຂວງວຽງຈັນ 68 ຄັ້ງ, ແຂວງຫຼວງພະບາງ 56 ຄັ້ງ, ແຂວງບໍລິຄໍາໄຊ 41 ຄັ້ງ.
• ແຂວງທີ່ມີຄົນເສຍຊີວິດຫລາຍ: ນະຄອນຫຼວງວຽງຈັນ 15 ຄົນ, ໄຊຍະບູລີ 10 ຄົນ, ຫຼວງພະບາງ ແລະ ສະຫວັນນະເຂດ 9 ຄົນ, ແຂວງບໍ່ແກ້ວ ແລະ ສາລະວັນ 8 ຄົນ, ອຸດົມໄຊ 7 ຄົນ
• ຄິດເປັນມູນຄ່າເສຍຫາຍທີ່ເກີດອຸບັດເຫດໃນເດືອນ ເມສາ 11,671,600,000 ກີບ ຫລຸດລົງ ຈາກເດືອນ ມີນາ

765,850,000 ກີບ