ທຸງຊາດລາວ ແລະ ທຸງຊາດສະມາຊິກອາຊຽນ ຖືກເຊີນຂື້ນສູ່ຍອດເສົາ

ພິທີເຊີນທຸງຊາດ ສະມາຊິກອາຊຽນທີ່ເຂົ້າຮ່ວມການແຂ່ງຂັນຊີເກມຄັ້ງທີ 32 ໄດ້ມີຂຶ້ນໃນຕອນເຊົ້າ ວັນທີ 3 ພຶດສະພາ 2023 ຕາງຫນ້າຄະນະນຳ ແລະ ນັກກິລາ ຝ່າຍລາວໂດຍແມ່ນທ່ານ ແສງພອນ ພົນອາມາດ ຮອງປະທານ ແລະ ເລຂາທິການຄະນະກຳມະການໂອລີມປິກແຫ່ງຊາດລາວ, ຫົວໜ້າຄະນະນັກກິລາລາວ, ຫົວຫນ້າກົມກິລາລະດັບສູງ ກະຊວງສຶກສາທິການ ແລະ ກິລາ ພ້ອມດ້ວຍຄະນະ ແລະ ນັກກິລາ.

ໃນພິທີ ໄດ້ມີການກ່າວຕ້ອນຮັບຂອງ ປະທານກຳມະການໂອລີມປິກ ກຳປູເຈຍ ເຂົ້າງານມະຫາກຳຊີເກມຄັ້ງທີ 32 ທີ່ປະເທດກຳປູເຈຍ ສຳລັບທຸງຊາດລາວຖືກເຊີນຂື້ນຢູ່ອັນດັບທີ 4 ເລີ່ມຕົ້ນຈາກປະເທດ ບຣູໄນ, ກຳປູເຈຍ, ອິນໂດເນເຊຍ, ສປປ ລາວ, ມາເລເຊຍ, ມຽນມາ, ຟີລິບປິນ, ສິງກະໂປ, ໄທ ແລະ ຕີມໍ-ເຣສເຕ້.

ການແຂ່ງຂັນຊີເກມ ເລີ່ມວັນທີ 05-17 ພຶດສະພາ 2023 ມີ 48 ປະເພດກິລາ ສຳລັບ ສປປ ລາວ ສົ່ງເຂົ້າຮ່ວມການແຂ່ງຂັນ 32 ປະພດກິລາ.

ພາບ-ຂ່າວ: ກົມກິລາລະດັບສູງ ກະຊວງສຶກສາທິການ ແລະ ກິລາ