ອາເຊນອລ ສົນໃຈຄວ້າກອງຫລັງ ຄຣິສຕັລ ພາເລສ ໄລຍະລະດູການນີ້

ມິເກລ ອາເຕຕ້າ ຜູ້ຈັດການທີມຊາວສະເປນ ຂອງ ອາເຊນອລ ສະໂມສອນດັງແຫ່ງພຣີເມຍລີກ ອັງກິດ ພວມເບິ່ງເຖິງຄວາມເປັນໄປໄດ້ໃນການຍື່ນຂໍ້ສະເໜີຄວ້າຕົວ ມາກ ເກຮີ ກອງຫລັງທີມຊາດອັງກິດຂອງ ຄຣິສຕັລ ພາເລດ ທີມຮ່ວມນະຄອນຫລວງລອນດອນ ໄປເສີມກອງຫລັງໃນໄລຍະລະດູການນີ້.

ຫລັງຈາກແຈ້ງເກີດກັບ ເຊລຊີ ໄດ້ບໍ່ສຳເລັດ ກອງຫລັງອາຍຸ 22 ປີ ກໍຕັດສິນໃຈຍ້າຍມາຫລິ້ນກັບ ພາເລດ ໃນປີ 2021 ແລະ ກໍກາຍເປັນຫົວໃຈສຳຄັນໃນກອງຫລັງຂອງທີມທັນທີ ລວມເຖິງກ້າວໄປມີຊື່ຕິດທີມຊາດອັງກິດຊຸດໃຫຍ່ 3​ ເກມນຳອີກ.

The Sun ສື່ໃນອັງກິດລາຍງານວ່າ ອາເຕຕ້າ ພວມເບິ່ງຫາກອງຫລັງຕົວກາງອາຍຸໜ້ອຍຄຸນນະພາບສູງເຂົ້າມາຮ່ວມທີມ ແລະ ຜົນງານຂອງ ເກຮີ ກັບ ພາເລດ ຕະຫລອດ 2 ປີຜ່ານມານັ້ນ ກໍເຮັດໃຫ້ ອາເຕຕ້າ ປະທັບໃຈເປັນຢ່າງຫລາຍ.

ປັດຈຸບັນ ອາເຊນອລ ມີພຽງ ກາບຣຽລ ມາກັລເຢສ ກັບ ວິລລຽມ ຊາລິບາ ເປັນ 2 ກອງຫລັງທີ່ໄວ້ໃຈໄດ້ ສ່ວນ ເບນ ໄວ ແລະ ທາເຄຮິໂຣະ ທິມິຢາສຸ ກໍຖືກປັບໄປຢືນເປັນປີກແລ້ວ ເຊິ່ງ ອາເຕຕ້າ ເບິ່ງວ່າ ເກຮີ ຈະເຂົ້າມາເປັນສ່ວນຕື່ມເຕັມຂອງທີມໃນປີໜ້າໄດ້.

ເກຮີ ຍັງມີສັນຍາກັບ ພາເລດ ຈົນເຖິງປີ 2026 ແລະ ມີຄ່າຕົວປະມານ 35 ລ້ານປອນ.