ສະຫະລັດ ພົບເດັກນ້ອຍເສຍຊີວິດຈາກພະຍາດໄຂ້ຫວັດໃຫຍ່ ຫລາຍກວ່າ 140 ຄົນແລ້ວ

ສຳນັກຂ່າວຊິນຫົວລາຍງານ: ວັນທີ 30 ເມສາ 2023 ຜ່ານມາ, ສູນຄວບຄຸມ ແລະ ປ້ອງກັນພະຍາດສະຫະລັດ ລາຍງານຈຳນວນ ເດັກນ້ອຍທີ່ເສຍຊີວິດຈາກພະຍາດໄຂ້ຫວັດໃຫຍ່ໃນປະເທດ ຊ່ວງລະດູການລະບາດມີປະມານ 145 ຄົນ.

ນອກນັ້ນ, ມີຜູ້ຕິດເຊື້ອຢ່າງໜ້ອຍ 26 ລ້ານຄົນ ເຊິ່ງໃນຈຳນວນນີ້ຕ້ອງເຂົ້າປິ່ນປົວ ໃນໂຮງໝໍ 290,000 ຄົນ ແລະ ເສຍຊີວິດແລ້ວ 19,000 ຄົນ, ທາງສູນຄວບຄຸມ ແລະ ປ້ອງກັນພະຍາດ ແນະນຳໃຫ້ປະຊາຊົນສະຫະລັດທີ່ມີອາຍຸ 6 ເດືອນຂຶ້ນໄປ ໄປສັກຢາໄຂ້ຫວັດໃຫຍ່ປະຈຳປີ ລວມເຖິງຢາຕ້ານໄວຣັສໄຂ້ຫວັດໃຫຍ່ຕາມໃບສັ່ງແພດທີ່ສາມາດຮັກສາອາການເຈັບປ່ວຍໄດ້ໄວທີ່ສຸດ.